AZAL Bakı və Aktau arasında hava əlaqəsini açır

Bakı/01.02.22/Turan: “Azərbaycan Hava Yolları” aviaşirkəti uçuşların coğrafiyasını genişləndirdiyini elan edir. Fevralın 18-dən aviadaşıyıcı Bakı-Aktau-Bakı marşrutu üzrə birbaşa reyslər açır.

Bakıdan Aktau şəhərinə uçuşlar həftədə üç dəfə - çərşənbə axşamı, cümə və bazar günləri həyata keçiriləcək. Bu barədə şirkətin mətbuat xidmətinin məlumatında deyilir. 

Aviaşirkətin rəsmi saytında www.azal.az tam cədvəl mövcuddur. Uçuşlara aviabiletləri şirkətin saytında, həmçinin akkreditə olunmuş agentliklərində əldə etmək olar.

Reyslərə yalnız COVID-19 pandemiyası səbəbindən tətbiq edilən məhdudiyyətlər şəraitində uçuş icazəsi olan sərnişinlər kateqoriyası qəbul olunacaq.

Qazaxıstana səyahət edən Azərbaycan vətəndaşları ölkəyə giriş qaydaları ilə burada tanış ola bilər: https://www.azal.az/az/information/covid-kazakhstan

Azərbaycanda COVID-19 üçün test verilə bilən klinikaların siyahısı aviaşirkətin saytında qeyd edilib: https://www.azal.az/az/information/covid-clinics.

Aktaudan Bakıya uçuş zaman COVID-19-a dair testi dövlət tərəfindən akkreditə olunmuş və PCR-test üsulu ilə analiz götürən istənilən klinika və ya laboratoriyada vermək olar. PCR-testin mənfi nəticəsi barədə arayışda onun həqiqiliyini təsdiq edən QR-kodun olması tövsiyə edilir. Belə kodun mövcudluğu hava limanında rəsmi prosedurlardan daha sürətli keçməyə kömək edəcək. 

Azərbaycana giriş qaydaları ilə burada tanış olmaq mümkündür: https://www.azal.az/az/information/covid-azerbaijan.-0-