![Amerikada KİV seçicilərə necə təsir edir və Tramp qalib gələrsə, nə dəyişəcək?](https://turan.az/resized/news/2024/PwVySVl3TjlrSeqZtqUqCDY6Qtrv3Bw7vKCDdq0e-750-500-resize.webp)
Amerikada KİV seçicilərə necə təsir edir və Tramp qalib gələrsə, nə dəyişəcək?
Amerikada KİV seçicilərə necə təsir edir və Tramp qalib gələrsə, nə dəyişəcək?
Amerika seçki kampaniyası və seçkilər üzrə ekspert, professor Devid Barker Turan-a müsahibəsində seçki dövründə KİV-in roluna toxunub və qarşıdakı prezident seçkilərinin nəticələri barədə proqnozlar verib.
Amerika qanunvericiliyi seçkilərin KİV-də işıqlandırılmasını necə tənzimləyir, bu, praktikada necə işləyir? Bu sualın cavabında Barker deyib ki, KİV-in seçkilərin nəticələrinə təsiri minimaldır.
"KİV-in seçkilərin nəticələrinə minimal təsiri var, çünki bizim ikipartiyalı sistem çox güclüdür və bütün amerikalıların 80 faizə qədəri demokrat və ya respublikaçıdır. KİV-in nə dediyinə baxmayaraq, onlar öz partiya mənsubiyyətinə görə səs verirlər", - o qeyd edib.
Hər iki partiyanın tərəfdarlarının sayına görə bərabər olması və bir-birini kompensasiya etməsi vacibdir. Bu partiyalardan kənarda 15 faizə yaxın adam qalır ki, nəzəri cəhətdən onlara təsir göstərmək olar. Ancaq onlar siyasətdən kənar adamlardır. “Odur ki, əgər KİV-ə fikir verməsəniz, o, sizə təsir göstərməyəcək”, - Barker deyib.
Donald Tramp seçkilərdə qalib gəlsə, amerikalıların həyatı yaxşıya doğru dəyişəcəkmi?
Bu suala professor cavab verib ki, əgər Bayden seçkilərə qədər öz reytinqini yüksəldə bilməsə, Trampın şansı böyük olacaq.
"Tramp qalib gələ bilər. Bayden populyar deyil, onun reytinqi uzun müddətdir ki, 40 faizdən çox deyil, baxmayaraq ki, iqtisadiyyat yaxşı inkişaf edir. Bununla belə, sıravi vətəndaşlar üçün iqtisadiyyatın vəziyyətini qiymətləndirmək çətindir. Trampın qalib gəlmək şansı yaxşıdır, amma o, favorit deyil, çünki o da olduqca aşağı reytinqə malikdir. Buna görə də nə baş verəcəyini təxmin etmək çətindir", - o deyib.
Yüz min dövlət qulluqçusu amili də var, onlar bitərəfdirlər və Tramp seçildiyi təqdirdə onları çıxarmaq və öz partiyasının üzvlərini təyin etməklə hədələyir. "Bütün bu dövlət bürokratiyası ona tabe olsun deyə. Hərbçilərlə və Ədliyyə Nazirliyi sistemilə də eyni şeyi etmək istəyir. Əgər bu, baş verərsə, demokratiya əleyhinə addım olacaq”, - Barker qeyd edib.
Eyni zamanda, Amerika cəmiyyətində demokratlar və respublikaçıların tərəfdarları arasında qütbləşmə artıb. Respublikaçıların böyük əksəriyyəti 2020-ci il seçkilərinin onlardan oğurlandığına inanır. Odur ki, 2021-ci ilin yanvar hadisələri daha geniş miqyasda təkrarlana bilər, Barker hesab edir.
-
- Cəmiyyət
- 4 Mart 2024 16:10
Müsahibə
-
İyunun 3-də təmir tərsanəsində 5 azərbaycanlı işçinin zəhərli qazdan faciəli şəkildə həlak olması müəssisə rəhbərlərinin işçilərin sosial müdafiəsinə zəmanət verilməsinə dair rəsmi təminatlarına baxmayaraq, hasilat sənayesində işçilərin əməyinin mühafizəsi sahəsində kobud nöqsanları xatırladıb. “Turan” hüquq müdafiəçisi, Neftçilərin Hüquqlarını Müdafiə Mərkəzinin rəhbəri Mirvari Qəhrəmanlıya müraciət edərək sənayedə işçilərin sosial müdafiəsinin səviyyəsini qiymətləndirmək istəyib.
-
Mayın 15-də Azərbaycan Elm və Təhsil Nazirliyinin kollegiyasında qəbul edilmiş "Təhsilverənlərin etik davranış qaydaları" ilə təhsil sahəsi işçilərinə yeni tələblər irəli sürülüb ki, bu tələblər əvvəllər olmayıb. Sənədin adı xarakterikdir, icraçıların tədris dairəsindən kənarda əhatə dairəsini genişləndirir.
-
İstanbul Universiteti Çapa tibb fakültəsinin müəllimi, Vərəmə Qarşı Mübarizə Dərnəyinin Başqanı professor Zeki Kılıçaslanın Turan agentliyinə müsahibəsi
-
ABŞ-ın seçki sahəsində təcrübəsi digər ölkələrdə tətbiq olunandırmı və Amerika seçki ənənələri nə ilə yaxşıdır? Seçkilərin demokratik kimi tanınması üçün hansı qaydalar lazımdır? Seçki sahəsində İnnovasiyalar və Tədqiqatlar Mərkəzinin təsisçisi Devid Bekker Turan-ın müxbirinin bu sualarına cavab verərkən deyib ki, belə elementlər bir neçədir. Bu, seçki bülletenlərinə çıxış imkanıdır, seçicilərin iştirakı sadə və rahat olmalıdır. Namizədlər haqqında əlçatan məlumat olmalıdır.
Rəy yaz