Bakı/04.01.19/Turan: 2018-ci ildə Azərbaycanın Təhlükəsizlik və Müdafiə sektorunun 37, Ermənistan Silahlı Qüvvələrinin isə 45 hərbi qulluqçusu ölüb. Bu barədə "Xəzər" Hərbi Tədqiqatlar İnstitutu məlumat yayıb.
Məlumatda deyilir ki, Azərbaycan hərbçilərinin 6 nəfəri döyüş, 31 nəfəri qeyri döyüş şəraitində dünyasını dəyişib.
"Azərbaycan Silahlı Qüvvələrinin 6 hərbi qulluqçusu cəbhə xəttində Ermənistan tərəfinin açdığı atəş nəticəsində həlak olub. Bundan başqa 5 hərbçi xəstəlik, 4 nəfər bədbəxt hadisə, 8 nəfər naməlum hadisə, 4 nəfər əsgər yoldaşının açdığı atəş, 6 nəfər avto-qəza, 2 nəfərsə mina partlayışı nəticəsində dünyasını dəyişib. 2 hərbçi intihar edib", deyə institut bildirir.
2018-ci ildə Azərbaycan Silahlı Qüvvələrində ümumilikdə 21 hərbi qulluqçu yaralanıb və ya xəsarət alıb.
"Xəzər" Hərbi Tədqiqatlar İnstitutu bildirir ki, Ermənistan Silahlı Qüvvələrində dünyasının dəyişənlərin 7-si döyüş, 38 nəfəri qeyri-döyüş itkisidir.
"7 hərbçi Azərbaycan tərəfinin atəşindən, 19 nəfərsə bədbəxt hadisələrdən dünyasını dəyişib. Bundan başqa, 8 nəfər intihar edib, 2 nəfər əsgər yoldaşı tərəfindən qətlə yetirilib. 2 nəfər xəstəlik səbəbindən dünyasını dəyişib. 3 nəfər təhlükəsizlik qaydalarının poyulması səbəbindən, daha 4 nəfərsə başqa səbəblərdən dünyasını dəyişib", deyə institutun məlumatında qeyd edilir.
Xəbərdə 2018-ci ildə Ermənistan Silahlı Qüvvələrinin 25 hərbi qulluqçusunun yaralandığı və ya xəsarət aldığı bildirilir.
2017-ci ildə Azərbaycanın Təhlükəsizlik və Müdafiə sektorunda 59 hərbi qulluqçu, Ermənistan Silahlı Qüvvələrində 59 hərbi qulluqçu dünyasını dəyişib. Dünyasını dəyişənlərin 19 nəfəri döyüş, 40 nəfəri qeyri döyüş itkisi idi.
2017-ci ildə Ermənistan Silahlı Qüvvələrinin 59 hərbi qulluqçusu dünyasını dəyişmişdi. Dünyasını dəyişənlərin 22-si döyüş, 37 nəfəri isə qeyri-döyüş itkisi olub.
Məlumatla bağlı hələ nə Azərbaycan, nə də Ermənistan rəsmiləri münasibət bildirməyib.-03D-
Cəmiyyət
-
Azərbaycan hakimiyyəti keçmiş Rusiya hakimi Yelena Xaxalevanı Bakı Beynəlxalq Hava Limanında saxlayıb. Bu barədə məlumat Rusiyanın Baş Prokurorluğuna və Daxili İşlər Nazirliyinə təsdiqlənib. Saxlanılma xəbəri ilk olaraq Kommersant və İzvestiya tərəfindən mənbələrə istinadən yayımlanıb və daha sonra RIA Novosti və TASS vasitəsilə hüquq-mühafizə orqanlarından təsdiq alıb.
-
Yanvarın 29-da Bakıda və Abşeron yarımadasında hava dəyişkən buludlu olacaq, əsasən yağıntısız olacaq. Mülayim cənub-şərq küləyi əsəcək. Havanın temperaturu gecə müsbət 3+6, gündüz müsbət 8+13 dərəcə olacaq. Rütubət 70-80 faiz olacaq.
-
Gənclər ətraf mühitin mühafizəsinə yönəlmiş texnoloji həllərini təqdim ediblər Yanvarın 18-də Oxbridge Academy-də Azercell və “Eventify” şirkətinin birgə təşkilatçılığı ilə “Dayanıqlı İnkişaf” hakatonu baş tutub. Layihə gənclərə potensiallarını reallaşdırmağa imkan yaratmaq, eləcə də ətraf mühitin qorunmasına yönəlmiş texnoloji həlləri ərsəyə gətirmək məqsədini daşıyıb. Tədbir həmçinin startap ekosisteminin inkişafına töhfə verərək iştirakçılara öz innovativ ideyalarını həyata keçirmək üçün effektiv platforma rolunu oynayıb.
-
Süni intellekt texnologiyasından istifadə hallarının atdığı bir dövrdə kiberhücumlara məruzqalma halları müşahidə olunur. Bu barədə Daxili İşlər Nazirliyi bildirib.
Rəy yaz