Haqqımızda

Sloqanımız: Çoxşaxəlilikdə  aydınlıq.

“Turan” siyasət, iqtisadiyyat və cəmiyyət həyatının qovuşuğunda fəaliyyət göstərən müstəqil analitik  qurumdur.

Tariximiz

1990-cı ildə təsis edilmiş “Turan” İnformasiya Agentliyinin bir hissəsi kimi analitik  bölməmiz  öz fəaliyyətinə 1993-cü ildə geosiyasət, iqtisadiyyat və cəmiyyətin həyatı sahələri üzrə araşdırmalar təqdim etməklə başlayıb.

2018-ci ildə dərinləşən qlobal problemlərin həll yollarını aramaq məqsədi ilə ekspert şəbəkəmizi genişləndirdik.

2025-ci ildə “Turan” İnformasiya Agentliyi bütünlüklə analitik fəaliyyətlə məşğul  olan  müstəqil bir struktura —  Turan Analitik Qurumuna çevrildi.

Missiyamız

Biz hesab edirik  ki,  ölçülüb-biçilmiş qərarların  qəbul edilməsi üçün şüarlar və ya ideologiya deyil, dəqiq və dərin təhlillərin aparılması  labüddür. Yaşadığımız qeyri-müəyyənlik, qütbləşmə və sürətli dəyişikliklər əsrində bizim vəzifəmiz mürəkkəb proseslərdən strukturlaşdırılmış, faktlara əsaslanan nəticələr çıxarmaqdan ibarətdir.

Biz milli, regional və qlobal səviyyələrdəki siyasi dinamikanı, iqtisadi təmayülləri və əsaslı sosial dəyişiklikləri tədqiq edirik. Fəaliyyətimiz  risklərin aşkar edilməsi, səbəb-nəticə əlaqələrinin izahı və gələcəyin həqiqi şəraiti nəzərə alan və həyata keçirilə bilən ssenarilərinin işləyib hazırlanması üzərində  cəmləndirilmişdir.

Turan Analitik Xidmətinin  analitik məhsullar paketi

Turan Analitik Xidməti yalnız informasiya təqdim etməklə kifayətlənməyən, hadisələrin məzmununu, dinamikasını və nəticələrini anlamağı vacib sayanlar üçün sistemli və strukturlaşdırılmış analitik materiallar paketi təklif edir.

Paketimiz gündəlik monitorinq vasitəsilə cari prosesləri izləməyə, eyni zamanda uzunmüddətli tendensiyaları görməyə imkan verən müntəzəm analitik nəşrləri birləşdirir.

Gündəlik nəşrlər

• Günün əsas hadisələrinin ekspress təhlili — ən mühüm siyasi və iqtisadi hadisələrin operativ qiymətləndirilməsi və onların mümkün nəticələrinin təhlili.
• Gündəlik media icmalı — informasiya gündəliyinin, müxtəlif aktorların mövqelərinin və əsas narrativlərin monitorinqi.

Həftəlik nəşrlər

• Siyasi icmal — daxili siyasi proseslərin, regional dinamikanın və beynəlxalq təsir amillərinin təhlili.
• İqtisadi icmal — makroiqtisadi göstəricilərin, büdcə siyasətinin, maliyyə sektorunun, xarici ticarətin və investisiya proseslərinin qiymətləndirilməsi.

Aylıq nəşrlər

• Genişləndirilmiş siyasi analitik məruzə — siyasi vəziyyətin institusional, hüquqi və regional aspektlər nəzərə alınmaqla kompleks qiymətləndirilməsi.
• Genişləndirilmiş iqtisadi analitik hesabat — iqtisadi dinamikanın, struktur dəyişikliklərin və strateji risklərin dərin təhlili.

Analitik məqalələr

Müntəzəm icmallarla yanaşı, daxili, regional və qlobal hadisə və proseslərə həsr olunmuş tematik analitik materiallar dərc olunur. Bu yazılarda əsas tendensiyalar, inkişaf ssenariləri və Azərbaycan və region üçün uzunmüddətli nəticələr araşdırılır.

Turanın analitik məhsullar paketi təsdiqlənmiş informasiya, analitik dərinlik və baş verən proseslərə strateji baxışa ehtiyac duyanlar üçün nəzərdə tutulub.

 Biz faktların, tarazlaşdırılmışlığın və əsaslı təfəkkürün qədrini bilən ekspertlər, təsisatlar, kütləvi informasiya vasitələri və qərar qəbul edən şəxslərlə  əməkdaşlıq edirik.

Məqsədimiz ciddi və təvazölüdür:

Gurultu əvəzinə  aydınlıq.

Turan analitik xidməti

Direktor: Mehman Əliyev
Redaktor: Şahin Hacıyev
Email: agency@turan.az