Açiq mənbələrdən foto.
Bakı/09.07.20/Turan: Milli aviasiya daşıyıcısı AZAL-ın çarter reysləri ilə iyulun 9-da axşam 189 Azərbaycan vətəndaşı Kiyevdən Bakıya gətirilib.
Yalnız reysdən əvvəl 48 saat ərzində koronavirus COVID-19-a dair testin mənfi nəticəsi barədə arayışı təqdim edən sərnişinlər uçuşa buraxılıb.
Bir gün əvvəl 186 nəfər Dubaydan Bakıya gətirilib.
İyunun ortalarından etibarən AZAL İstanbula xüsusi reyslər həyata keçirir və hazırda bu reyslərin sayı həftədə 4 dəfəyə çatdırılıb.
Bundan başqa, iyulun 17-dən avqustun 28-nə qədər AZAL həftədə bir dəfə Bakı-Berlin-Bakı marşrutu üzrə reyslər həyata keçirəcək.
Bakıdan Aİ ölkələrinin vətəndaşları, əks istiqamətdə isə Azərbaycan vətəndaşları və Azərbaycanda daimi yaşayış hüququ olan şəxslər gələcək.
Azərbaycana gələn şəxslər iki həftə ərzində özünütəcrid şəraitində qalmalıdır. -06D-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz