Bakı/20.08.18/Turan:Avqustun 19-da Həcc ziyarəti zamanı Ərəfatda qasırğa baş verib. Qasırga güclü yağış, küləklə müşayiət olunub. Amma azərbaycanlı zəvvarlar arasında xəsarət alan yoxdur. Bu barədə Qafqaz Müsəlmanları İdarəsinin (QMİ) məlumatında bildirilir.
"Dünən və bu gün Məkkədə olan QMİ nümayəndələri ilə telefon əlaqəsi saxlanılıb. Həcc qrupları rəhbərlərinin verdiyi məlumata görə, azərbaycanlı zəvvarlar Həcc ibadətlərini normal qaydada davam etdirirlər", - məlumatda deyilir.
QMİ qeyd edir ki, zəvvarlar əvvəlcədən müəyyənləşdirilmiş qaydada qrup-qrup Azərbaycana qayıtmağa başlayacaqlar.
Xatırladaq ki, bu il Azərbaycandan Həcc zəvvarlarının ilk qrupu avqustun 11-də, sonuncu qrup isə avqustun 15-də Həcc ziyarətinə yola düşüb. 2018-ci ildə Azərbaycandan Həcc ziyarətinə 1440 nəfər zəvvar yola salınıb. Qiymət hər zəvvar üçün 4150 dollar müəyyən edilib, təkrar Həcc ziyarətinə gedənlər əlavə 535 dollar ödəyir.
Zəvvarların qayıdışı sentyabrın 1-dən 5-nə kimi gözlənilir. Azərbaycanda Həcc ziyarətinin rəsmi təşkilatçısı QMİ-dir.
Həcc ziyarətinin tərkib hissəsi olan Qurban bayramı bu il avqustun 22-i və 23-nə təsadüf edir-05B-.
Cəmiyyət
-
Noyabrın 8-i Azərbaycanda Zəfər Günü kimi qeyd edilir. Azərbaycan 2020-ci ildə 44 günlük müharibə və 2023-cü ildə birgünlük hərbi əməliyyatla ərazi bütövlüyünü bərpa edib. Azərbaycan, Ermənistan və Rusiya dövlət başçıları arasında atəşkəs bəyanatı imzalansa da, dörd il keçməsinə baxmayaraq, Bakı və Yerevan hələ də sülh müqaviləsi imzalanmayıb.
-
Şənbə günü Bakıda və Abşeron yarımadasında yağış yağacağı, bəzi yerlərdə intensiv olacağı gözlənilir.
-
Azercell Cup 2024 proqramlaşdırma müsabiqəsinin qalibləri üçün beynəlxalq olimpiadalara hazırlıq dərsləri başlayıb. İnformatika üzrə biliklərinin gücləndirilməsi məqsədilə ümumtəhsil müəssisələrinin 6-cı və 7-ci sinif şagirdləri hazırlıq proqamına cəlb olunublar.
-
Lider mobil operatordan “HONOR” cihazları əldə edən abunəçilərə “SuperSən6GB” tarif paketinə iki aylıq abunəlik hədiyyə Azercell noyabr ayının 8-i Zəfər Gününə özəl kampaniyaya start verir. Kampaniya çərçivəsində "Azercell Eksklüziv" və diller mağazalarından HONOR” smartfonu və ya planşeti əldə edən müştərilərə “SuperSən6GB” tarif paketinə iki aylıq abunəlik həddiyə edilir. Qeyd edək ki, kampaniya 229 AZN-dən başlayan cihazlara şamil olunur.
Rəy yaz