Açiq mənbələrdən foto.
Bakı/11.10.21/Turan: Bakı İnsan Hüquqları Klubu (BİHK) bəyanat yayaraq müxalif fəalların həbsi ilə bağlı narahatlığını bildirib.
Xüsusən, sənəddə Xalq Cəbhəsi Partiyasının fəalı Niyaməddin Əhmədovun 13 il müddətinə azadlıqdan məhrum edilməsindən, elə həmin partiyanın üzvü Fuad Əhmədlinin və dini fəal Kamran Kərimovun 30 gün və reportyor Anar Abdullanın 15 gün müddətinə inzibati həbsindən bəhs edilir.
BİHK-nin apardığı monitorinq və cinayət işinin materialları Əhmədova qarşı terrorçuluğu maliyyələşdirmə ittihamının sübuta yetirilmədiyini hesab etmək üçün əsas verir. Buna görə ittihamlar obyektiv və hərtərəfli araşdırılmalı və onlara yenidən hüquqi qiymət verilməlidir.
Abdulla, Əhmədli və Kərimovun həbslərinə gəlincə, BİHK onların ictimai fəaliyyətlərinə görə həbs edildikləri qənaətindədir. Yuxarı instansiya məhkəmələri lazımi addımları atmalı, ədalətli qərarlar qəbul etməlidir.
BİHK dövlət qurumları ilə əsassız həbslər və azadlıqdan məhrumetmələr məsələsini müzakirə etmək və problemin həlli və gələcəkdə bu cür halların təkrarlanmasına yol verilməməsi üçün təkliflərini təqdim etməyə hazırdır. -06D-
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz