Bakıda bəzi məktəblərdə şagirdlər soyuq sinif otaqlarında otururlar

Bakı/18.02.21/Turan: Fevralın 1-dən ibtidai, fevralın 15-dən isə orta sinif şagirdləri yenidən məktəblərə qayıdıb, Azərbaycanda əyani orta təhsil bərpa olunub. Lakin bəzi məktəb binaları qış vaxtı uşaqları qəbul etməyə hazır olmayıb. Fevralın 16-dan ölkədə havanın temperaturu xeyli enib, fevralın 18-də ölkədə şaxtalı hava şəraiti hökm sürür.

Valideyn Ülkər Abdullayeva Turan-a bildirib ki, Bakıda öz istilik sistemi olmayan 48 saylı məktəbdə mərkəzləşdirilmiş istilik sistemi işləmir. Məktəb binasının bir il fəaliyyətsizliyi dövründə administrasiya çatışmazlığı- pis istilik sistemini düzəltməyib. Ü.Abdullayevanın oğlunun təhsil aldığı birinci sinif şagirdlərinin yarısı soyuqdəymə xəstəliyinə tutulub və dərsə gəlmir. Böyük qızı sinifdə qıç gödəkcəsində oturur.

Ü.Abdullayeva ikinci məktubunda  Bakıdakı 256 saylı  məktəb barədə məlumat verib. Onun baldızının qızı orada oxuyur. Valideynlər sinifi isitmək üçün pul toplayaraq elektrik radiatoru almaq məcburiyyətində qalıblar.

"Bu nədir? Pandemiya günlərində uşaqlar məktəb siniflərində donurlar”, -  Ülkər sual edir və soyuq siniflərin paytaxtın digər məktəblərində olduğunu əlavə edir.

Valideyn, politoloq Elxan Şahinoğlu Turan-a 167 saylı məktəbdə sinif otaqlarının soyuq olduğunu bildirib.

Bakı təhsil şöbəsindən bu qurumun rəhbəri Bəşarət Məmmədovun cavabını Turan-a çatdırıblar. O, isitmə probleminin olmaması barədə 167 saylı məktəbin direktorunun iddiasına istinad edərək şöbənin mətbuata şərhində Bakı məktəblərində normal temperaturun olduğunu bildirib və valideynlərə isitmə prosesinin yetərli olduğu məktəblərin nömrələrini bildirməyi təklif edir.

Ötən gün Təhsil Nazirliyinin mətbuat katibi C. Valehov bütün məktəblərin qış vaxtı, soyuq şəraitdə tədrisə vaxtında hazırlaşması barədə mətbuata məlumat verib. O razılaşıb ki, “Azəristiliktəchizat” 48 saylı məktəb üçün istilik sisteminə aşağı təzyiqli isti su verib və 167 saylı məktəbdə isitmə problemini inkar edib. "Hazırda bu məktəblər normal isidilir".

“Azəristilik” abonentlər şöbəsinin müdiri Rafiq Əliyev bu idarədən istilik ilə təchiz olunan məktəblərdə istiliklə bağlı çatışmazlıqları inkar edir. Bakıda məktəblərin yarısı – 287-i belədir.  O əlavə edir ki, Bakı məktəblərin yarısı öz avtonom sistemləri ilə isidilir, nazirliyin və təhsil şöbəsinin rəhbərliyi isə “Azəristiliktəchizat”a qarşı heç bir iddia irəli sürməyiblər.—0—