Photo TURAN.
Bakı/13.03.21/Turan: Sumqayıt sakini, avtomobil ustası Natiq Məmmədov Daxili İşlər Nazirliyinin İstintaq İdarəsindən şikayətlə Turan-a müraciət edib və avtomobilin qeydiyyatı üçün rüşvət tələb olunduğunu bildirib.
O, məktubunda bildirir ki, 2021-ci ilin martında aldığı “Mersedes-Bents” markalı AZ 90 DP 132 dövlət nömrə nişanlı avtomobil gövdədəki nişanların yoxlanılması üçün bu idarəyə göndərilib. Maşın Yol Polisi İdarəsində yoxlamadan keçərkən gövdəyə vurulmuş nişanın orijinallığına şübhə ediblər. Natiq Məmmədov iddia edir ki, nömrə orijinaldır, pasla əlaqədar bəzi rəqəmlər görünmür. Polis nömrənin orijinal nömrəni gizlətmək üçün əllə vurulduğundan şübhələnir.
Avtomobil İstintaq İdarəsinə göndərilib, orada gövdədəki nömrənin saxta olduğu müəyyən edilib və Məmmədova məhkəməyə müraciət etməli olması barədə bildiriş verilib.
Məmmədov ərizəsində İstintaq İdarəsinin Arzu və İlqar adlı əməkdaşlarının ona 1200 manat rüşvət müqabilində qeydiyyat məsələsini həll etməyi təklif etdiklərini iddia edir. Məmmədov onlara 600 təklif edib, amma əməkdaşlar 1200-dən aşağı məbləğə razılaşmayıblar.
Vətəndaşın məktubu avtomobilin qanuni yolla qeydiyyatına kömək etmək xahişi ilə başa çatır.
Turan Natiq Məmmədovun məktubunda adını qeyd etdiyi Daxili İşlər Nazirliyinin İstintaq İdarəsinin rəis müavini Arzu Babayevə müraciət edib. Arzu Babayev sözügedən avtomobili xatırlayır, o, gövdədəki zavod nömrəsini tədqiq edib, qanunsuz müdaxilə əlamətləri müəyyən edib. Babayev rüşvət haqqında iddianı yalan adlandırıb, heç bir polisin qaçırılma əlamətləri olan avtomobilin qeydiyyatını bu şəkildə həyata keçirməyi öhdəsinə götürməyəcəyini deyib.
“Heç kim gövdəsi oğurlanmış maşının qanuniləşdirilməsi kimi qanunsuz hiyləyə vasitəçilik edərək, bilə-bilə cinayət işinə qarışmaz”, deyə o bildirib.
O təsdiq edib ki, vətəndaşa məhkəməyə müraciət etməsi təklif edilib. Onun sözlərinə görə, məhkəmənin müxtəlif halları gözdən keçirərək, avtomobilin yol polisində qeydiyyata alınması mümkünlüyü haqqında qərar çıxardığı hallar olub.
Babayev hesab edir ki, Natiq Məmmədov zabitə iftira atır və şərəf və ləyaqətin təhqir olunması haqqında cinayət işi üzrə təqsirləndirilə bilər. Eyni zamanda, o, vətəndaşı məhkəməyə vermək niyyətini dilə gətirməyib, Məmmədova problemi qanun çərçivəsində həll etməyi məsləhət görüb. -0-
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz