Gerd Butserius mükafatının laureatları arasında azərbaycanlı jurnalist də var

Almaniyanın  ZEIT-Stiftung Fondu və Norveç    Fritt Ord Fondu 2016-cı il üçün Gerd Butserius adına mükafatın laureatlarını açıqlayıblar. 

Müstəqil Münsiflər Heyəti 40 nominant arasında qalibləri seçib.

Bu mükafat ənənəvi olaraq Şərqi Avropa və keçmiş SSRİ ölkələrində demokratik jurnalistika işinə öz töhfəsini verən jurnalist və KİV-ə təqdim olunur.

Bu ilin laureatları arasında «Azadlıq» qəzetinin şərhçisi və Avropadan yayımlanan «Azərbaycan saatı» teleproqramının aparıcısı Seymur Həzi də var.

Uydurma ittihamla mühakimə edilən S.Həzi 5 il müddətinə həbs cəzası alıb və beynəlxalq birlik tərəfindən vicdan məhbusu tanınıb.

Bu ilin digər laureatları:  Rusiyada dərc edilən  «Novaya qazeta»nın Şimali Qafqaz üzrə müxbiri Yelena Milaşina və Ukraynanın   «Naşi qroşi» saytının kollektividir. Qaliblərin hər biri 15 min avro alacaq. Təqdimat mərasimi 2016-cı ilin noyabtında Tbilisidə olacaq.

Xatırladaq ki, bu mükafat 10 ildən çoxdur ki, verilir. Azərbaycan nümayəndələrindən bu mükafatı müxtəlif illərdə Turan agetliyi, «Azadlıq» qəzeti, Reportyorların Azadlığı və Təhlükəsizliyi İnstitutu, həmçinin jurnalistlər Rauf Mirqədirov, Şahvələd Çobanoğlu, Natiq Cavadlı, Zamin Hacı, Xədicə İsmayılova, Təhminə Tağızadə alıb.-02D-

Rəy yaz

Cəmiyyət

İran Prezidentinin də həlak olduğu helikopter qəzasına görə məsuliyyəti kim daşıyır? – Sədrəddin Soltan Çətin sualda



Bizi sosial şəbəkələrdə izləyin

Xəbər lenti