Bakı/29.12.19/Turan: Siyasi Məhbusların Monitorinq Mərkəzi (SMMM) bloger Mehman Hüseynovun polis tərəfindən saxlanmasını və döyülməsini kəskin şəkildə pisləyib.
“Blogerin güc tətbiq edilməklə əsassız saxlanması faktı Avropa Konvensiyası, Azərbaycan Konstitusiyası və milli qanunvericiliklə təmin edilmiş əsas azadlıqların kobud şəkildə pozulmasıdır. İşgəncə tətbiq etmək isə vəzifəli şəxslər tərəfindən törədilən cinayətdir”, - Mərkəzin rəhbəri Elşən Həsənov bildirib.
SMMM blogerə hücumla bağlı araşdırma aparılmasını və günahkarların cəzalandırılmasını, M.Hüseynovun sağlığına dəyən zərərə və mənəvi ziyana görə kompensasiya ödənilməsini tələb edib.
Xatırladaq ki, M.Hüseynov dekabrın 27-də axşam reper Pərviz Quluzadənin həbsinə etiraz olar keçirilən aksiya zamanı polis tərəfindən saxlanılıb. O,şəhər kənarına aparılaraq və ağır döyülüb.
DİN M.Hüseynovun “razılaşdırılmamış aksiya keçirdiyinə və vətəndaşların istirahətini pozduğuna görə” saxlanıldığını təsdiqləyib, lakin döyülmə faktını təkzib edib.06В-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz