Bakı/28.12.19/Turan: Dekabrın 27-də İnancların Hüquqlarının Müdafiə Mərkəzi 2019-cu ilin yekunlarına dair insan hüquqlarının vəziyyəti ilə bağlı illik hesabatını təqdim edib. Hesabatda dindarlara təzyiq halları əksini tapıb.
Tədbirdə siyasi məhbusların və Nardaran Gəncə işləri ilə bağlı, habelə "Tərtər işi" ilə bağlı həbs edilənlərin ailə üzvləri iştirak ediblər.
Görüşdə qeyd edilib ki, dindarlar ölkədəki siyasi məhbusların əsas hissəsini təşkil edirlər. 130-dan çox siyasi məhbusdan üçdə ikisi dindarlar, dini fəallar, İslam Partiyasının üzvləridir.
Xüsusi əməliyyat zamanı güc qurumlarının əməkdaşları tərəfindən öldürülən Muraz Rəhimovun anası oğlunun cinayət törətmədiyini, repressiyaların qurbanı olduğunu bildirib. "Oğlum öldürülüb və gizlin dəfn edilibz", deyən qadın oğluna ölümündən sonra bəraət verilməsini tələb edib.
"Tərtər işi" ilə bağlı həbs edilmiş Emin Əliyevin atası Nasir Əliyev oğlunun əsassız olaraq həbs edildiyini və bu işin fiqurantlarına dəhşətli işgəncələr verildiyini bildirib.
"Onların dırnaqlarını çıxarıb elektrik veriblər. Bəzilərinin bütün əl və ayaq dırnaqları çıxarılıb. Armaturu qızdırıb qabırğalarına soxublar. Plastik qabları əridib qaynar şəkildə bədənlərinə töküblər", deyə Əliyev bildirib.
Çıxış edənlər hakimiyyətdən məhbusların hüquqlarının pozulması hallarını araşdırmağı və təqsirkarları cəzalandırmağı tələb ediblər. –30D-
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz