Media-icmal 17.10.20

VPN-lər bağlana bilər?

“Redaktor.az” saytı “Son dəqiqə: Azərbaycanda sabahdan VPN-lər bağlana bilər” sərlövhəli məqalədə VPN-lərin bağlanmasının mümkünlüyünü vurğulayır.

Müəllif deyir ki, mövcud hərbi əməliyyatlar səbəbilə ölkədə İnternetin verilməsində, sosial şəbəkələrə girişdə məhdudiyyətlər olduğu məlumdur.

Müəllif əlavə edir ki, amma VPN tətbiqilə sosial şəbəkələrdən istifadə etmək mümkündür. 

Müəllifin fikrincə, ermənilərin təxribat xarakterli paylaşımlarının Azərbaycan xalqında ruh düşkünlüyü yaratmaması üçün VPN-dən istifadə məhdudlaşdırıla  bilərmi?

Rabitə və Yüksək Texnologiyalar Nazirliyindən isə bildiribi ki, “VPN- lə bağlı maarifləndirici işlər aparılıb, bu məsələdə insanlar özləri də məsuliyyətli olmalıdırlar.

Nazirlikdən deyilib ki, ölkədə hərbi vəziyyətdir, bu vəziyyətdə hər bir şəxs vətəndaş borcunu yerinə yetirməlidir:  “... düşmən bu gün cəbhədə uduzduğu üçün istənilən təxribatı etməyə fürsət axtarır. Bu baxımdan ən əl çatan yol da kiber mühitdir. Kiber mühitdə hər bir insan bir fərd kimi özünü qorusa, müvafiq qurumların informasiyalarına istinad edib ona uyğun davransa, təxribatın qarşısı müəyyən qədər alınmış olar. VPN-ləri öz telefonlarımıza yükləməsək, qarşı tərəf bizə məxsus informasiyalara nail ola bilməyəcək”.

Məqalədə vurğulanır ki, bir çox VPN proqramları pulludur. Hazırda istifadə edilən VPN-lər isə 20-30 gün müddətinə pulsuz verilir. Nəzərə alsaq ki, ölkədə sentyabrın 27-dən İnternetə giriş məhdudlaşdrılıb və bu müddətdən pulsuz VPN istifafə edənlər üçün sabahdan etibarən sistem bağlana bilər. 

27 ildən sonra iki zastava fəaliyyətə başladı

“Metbuat.az” saytı  “İşğaldan azad olunan sərhəd zastavalarımız üzərində dövlət bayrağımız ucaldıldı” sərlövhəli məqalədə işğaldan azad edilmiş Cəbrayıl rayonunda dövlət sərhəd zastavalarının fəaliyyətə başladığını bildirir.

Məqalədə vurğulanır ki, Cəbrayıl rayonu ərazisindəki "Çaxırlı" və "Mahmudlu" sərhəd zastavaları üzərində bu gün dövlət bayrağı ucaldılıb və bu sərhəd zastavalarının xidməti-döyüş fəaliyyətinə başlaması münasibətilə təntənəli mərasim təşkil edilib.

Mərasimdə Azərbaycan Silahli Qüvvələrinin əməliyyatları nəticəsində işğlçı erməni hərbi birliklərinə sarsıdıcı zərbələr endirməsi xüsusi qeyd edilib.

Dövlət sərhəd xəttində xidmət aparan hər bir sərhədçi zabitin, gizirin, çavuşun və əsgərin də düşmənə qarşı döyüş tapşırıqlarını yerinə yetirməyə hazır olmaları vurğulanıb, hərbi qulluqçulardan döyüş bölgəsinə göndərilmə barədə çoxsaylı müraciətlərin daxil olması bildirilib.

1993-cü ilin oktyabrında Ermənistan Silahlı Qüvvələri tərəfindən işğal olunmuş və 27 ildən sonra azad edilmiş həmin ərazidə dövlət sərhədinin mühafizəsi Dövlət Sərhəd Xidmətinin Sərhəd Qoşunlarının “Horadiz” sərhəd dəstəsinin şəxsi heyəti tərəfindən təşkil olunub.

Yaxın müddətdə işğaldan azad ediləcək digər sərhəd zastavalarında sərhəd mühafizə tədbirlərinin həyata keçirilməsinə hazırlıq tədbirləri davam etdirilir.

Gəncə Ermənistandan atəşə tutulub

“Müsavat.com” saytı Ermənistan Gəncəyə yenə raket atdı: 12 ölüm, 40-dan çox yaralı” sərlövhəli məqalədə bu gecə Ermənistandan Gəncə və Mingəçevirə növbəti dəfə raket zərbəsı endirməsi və bunun nəticələri barədə bildirlir.

Məqaldə deyilir ki, oktybarın 17-i saat 2 radələrində Ermənistan Gəncə və Mingəçevir istiqamətinə raketlər atıb, həm yerli sakinlər, həm də rəsmi mənbələr  məlumatı təsdiqləyiblər.

3 raketdən birinin Gəncənin “Tekstlni” deyilən səmtinə düşdüyü,  Goranboy - Mingəçevir istiqamətindən də partlayış səsləri gəldiyi deyilir, Gəncədəki jurnalistlər raketin düşdüyü yerə gediblər, orada dağıntı və yaralıar olduğu vurğulanır.

Məqaləddə vurğulanır ki, Musavat.com bildirir ki, bombalardan biri 29 nömrəli məktəbin yanına düşüb, orada xilasetmə işləri görülür.

Atəş nəticəsində bir sıra yaşayış binaları dağılıb, bir neçə nəfər yaralanıb,  yaralılar xəstəxanalara çatdırılıb. Dağıntılar altında qalanların olduğu ehtimal edilir, hazırda xilasetmə işləri davam etdirilir.

Məqaləyə görə, prezidentin köməkçisi Hikmət Hacıyev öz tvitter səhifəsində yazır: “Gəncəyə balistik raketlər Ermənistan ərazisindən atılıb. Döyüş bölgəsindən çox uzaqdır. Orada hərbi zərurət yoxdur. Ermənistanın Xarici İşlər Nazirliyi bu mənfur müharibə cinayətlərinə görə dövlət məsuliyyətindən boyun qaçırmağa çalışır”.

Məqalədə son məlumatlara görə, Ermənistanın növbəti dəfə Gəncəni bombardman etməsi nəticəsində həlak olan soydaşlarımızın sayı 12-ə yüksəlib,  yaralı sayı isə 40 nəfərdən çoxdur. 

Xatırladaq ki, buna qədər Gəncə şəhəri oktyabrın 11-də gecə Ermənistandan raket atəşinə tutulmuşdu, bunun nəticəsində 10 həfər həlak olub, 40-a yaxın şəxs yaralanıb.