Rəsmi qəzetlər Azərbaycan Milli Olimpiya Komitəsinin yaradılmasının 20 illik yubileyilə bağlı Bakıya gələn xarici qonaqların qəbul edilməsi bağlı xəbərləri ilk səhifəyə çıxarıblar. Bundan əlavə, bu qəzetlər ölkə idmanının inkişafında xidməti olan bir qrup şəxsin dövlət mükafatları ilə təltif olunmaları haqda sərəncamların mətnini dərc ediblər.
“Azadlıq” qəzeti keçmiş rektor Elşad Abdullayevin qardaşı Mahir Abdullayevin 2003-cü ildə oğurlanmaısı faktı ilə bağlı məsələdə Bəylər Əyyubov, Kəmaləddin Heydərov, Cəlal Əliyev və Şəfiqə Əliyevanın adlarını çəkməsini “şok isimlər” adlandırır.
ATƏT-in media üzrə namyəndəsi Dunya Miyataoviç Azərbaycanda medianın ən böyük problemi kimi mediaya qarşı cinayətlərdə cəzasızlıq mühitinin olmasını göstərib.
Azərbaycanda daha çox Putinin dostu kimi tanınan İlham Rəhimov rəsmi Bakının ölkədə korrupsiya olmasını inkar etməsinə “desək ki, Azərbaycanda korrupsiya yoxdur, adama gülərlər” mövqeyini ifadə edib.
“Zerkalo”. Bakının əsas insan haqq və azadlıqlarını məhdudlaşdırmasına dair tədbirləri ilə əlaqədar ATƏT “regiondakı mürəkkəb durum azadlıqların boğulması bəraətinə xidmət edə bilməz” bəyanatını səsləndirib.
“Ekspress”. Güney Azərbaycanda yenidən zəlzələ baş verib, 51 nəfər yaralanıb.
“Exo” . İran və Ermənistanın növbəti su elektrik stansiyası tikmək barədə layihəsi Azərbaycan üçün təkcə siyasi yox, həm də ekoloji baxımdan müsbət əhəmiyyət daşımayacaq.
“Novoe Vremya” beynəlxalq qurumların rəsmi Bakıdan insan haqlarını məhdudlaşdırmaması tələbinə “ATƏT, Avropa Şurası və Avropa Birliyi, bir sözlə hamı-hamı-hamı Bakını insan haqlarına hörmət eməyə çağırır” mövqeyini ifadə edir.
“Bizim yol”. Qəzetin yayım şöbəsinin əməkdaşı Vüsal Hüseynov gecə saatlarında naməlum şəxslərin hücumuna məruz qalıb.
Qəzet deputat Yevda İbrahimovun “ərəb ölkələrində yaşananları görürük, odur ki, gənclərə qayğı lazımdır” bəyanatını “iqtidar deputatlarından inqilab təşvişi” kimi dəyərləndirir.
“Yeni Müsavat”. Keçmiş rektor Elşad Abdullayevin qardaşı Mahir Abdullayevin 2003-cü ildə oğurlanması faktı ilə bağlı bu işdə adı çəkilən Arzu Kazımov həbs olunub, Abdullayevlər ailəsi bununla yanaşı müğənni Mətanət İsgəndərlinin, bacısının və yaxınlarının da həbsə alınmasını tələb edirlər.
Qəzet yol qəzasına görə istintaq dövründə həbsə alınan Nigar Yaqublu ilə bağlı Beynəlxalq Mətbuat Mərkəzində tədbirə qoyulan qadağanı “komik qadağa” adlandırır.
Rəsmi Tbilisinin Müsavat Partiyasına Gürcüstanda qurultay keçirməsinə icazə verməsinə YAP etiraz edərək rəsmi Tbilisini şantaj etməyə çalışır.
“Təzəbazar” təsisçiləri arasında dava düşdüyünü yazan qəzet bunu “bazarın bölüşdürülməsi uğrunda dava” adlandırır.
Dəmiryol vağzalının köçürülməsinə başlanılıb. Qəzet bu cür sosial-iqtisadi mahiyyəti olmayan əməliyyatların dövlət vəsaitlərinin mənimsənilməsinə və özününküləşdirilməsinə xidmət etdiyini bildirir.
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz