Rəsmi və iqtidaryönlü qəzetlər ölkənin Silahlı Qüvvələrinin 95 illiyi ilə bağlı Bakıda keçirilmiş parad və paradda dövlət başçısı İlham Əliyevin nitqini ilk səhifələrə çıxarıblar. Bu qəzetlər Statistika Komitəsinin sədri Arif Vəliyevin “Şöhrət” ordeni, bir qrup dövlət qulluqçusunun dövlət mükafatları ilə təltif olunması, Horadiz qəsəbəsinin sosial inkişafı üçün 6 milyon manatın ayrılması haqda sərəncamın mətnlərini dərc ediblər.
Bu qəzetlərdə demokratik qüvvələrin Milli Şurası haqda böhtan və yalan olan 7 məqalə dərc olunub və bu məqalələrin 5-i “Yeni Azərbaycan” qəzetindədir.
“Azadlıq” qəzeti vaxtilə mövcud iqtidarın ən qatı tərəfdarlarından olan Hüseyn Abdullayevin xalqa çağırış olan “Susma” klipinə görə beynəlxalq axtarışa verilməsini ilk səhifəyə çıxarıb.
İlham Əliyevin Qərblə “qaz məsələsi”ndə TAP xəttinə üstünlük verməsini Avropa mətbuatı “avtoritar liderin qazdan siyasi güzəştlərə nail olmaq üçün istifadə etməyə çalışması” kimi dəyərləndirir.
Rəsmi Bakının Qarabağın savaş yolu ilə azad olunması bəyanatına Moskvadan “bu münaqişənin hərbi yolu mövcud deyil” bəyanatını qəzet “müharibə bəyanatına cavab” adlandırır.
Qərb-rəsmi Bakı münasibətlərində demokratiya probleminə toxunan politoloq Vəfa Quluzadə “Azərbaycanda demokratiyanın yoxluğuna göz yumulmayacağı” şərhini verib.
“Ekspress” böyük aktyor Siyavuş Aslanın vəfatını “milli səhnədə daha “mogikan”ın qalmaması” kimi dəyərləndirir.
Qəzetin yazdığına görə, Təhsil Nazirliyi xaricdə təhsil məsələsilə bağlı nazirliyin adından istfadə edən özəl şirkətlərə məhkəməyə veriləcəkləri barədə xəbərdarlıq edib.
Milli Şura təmsilçilərinin ABŞ-a səfəri haqda təsisçilərin bəziləri belə səfərin olacağı, bəzilərisə əksinə olmayacağı kimi zidd mövqe ifadə edirlər.
“Exo” ölkədə qadınların 10%-nin avtomobil sürdüyünü önə çəkir.
Qəzetin yazdığına görə, yol-nəqliyyat qəzaları üzündən Azərbaycan büdcəsi hər il 4 milyon manat itirir.
Qəzet rəsmi yoxlamaların nəticələrinə əsasən Mərdəkan, Bilgəh və Nardaran çimərliklərinin daha təmiz. Çıx çimərliyinin isə ən çirkli çimərlik olduğunu bildirir.
“Novoe Vremya” istənilən ağacın “iki başı” olduğu kimi siyasi repressiyaların da “iki başı” olmasını rəsmi Bakının yadına salaraq bir gün onların da cavab verəcəkləri barədə xəbərdarlıq edir.
“Bizim yol” Dövlət Əmlak Komitəsinin sədri Kərəm Həsənovun polad istehsal kompleksini inhisara almaq istəməsini “polad inhisarı uğrunda yeni savaş” kimi dəyərləndirərək manjetə çıxarıb.
“Yeni Müsavat” məmurlara məzuniyyətlərin dayandırılmasını iqtidarın “müxalifəti önləmək və qalib gəlmək” planı, iqtidarın fövqəladə vəziyyət rejiminə keçməsi” sayaraq ön səhifəyə çəkib.
Qəzetin yazdığına görə, rəsmi Kreml İlham Əliyevin 3-cü müddətə prezidentlik iddiasının əleyhinə çıxıb, şərti “milyarderlər ittifaqıi”nın bu gün Milli Şuraya dəstək bəyanatının veriləcəyi gözlənilir.
Amnistiya aktının tətbiqi ilə azadlığa çıxmalı olan Hacı Mehdi Şamilli hələ də azad olunmayıb. Vəkil bunun bilərəkdən yubadılması həqda bəyanat verib.
“Susma” klipinə görə beynəlxalq axtarışa verilən H.Abbullayev barəsindəki ittihamları “saxta, qondarma” adlandırıb.
YAP-ın etiraz bəyanatlarına baxmayaraq, deputat Mehriban Əliyevanın prezidentliyə namizədliyinin dəstəklənməsini ekspertlər “Bakı klanı”nın öz “91”-lərinin yaranması kimi dəyərləndirirlər.
Dərbənd sakinləri Dağıstan prezidentiə müraciətində Azərbaycana münasibətdə separatçı “Sadval” təşkilatını durdurmasını tələb edib.
Rəy yaz