Açiq mənbələrdən foto.
Bakı/12.08.22/Turan: Azərbaycan Silahlı Qüvvələrinin müddətdən artıq həqiqi hərbi xidmət hərbi qulluqçuları Daşqın Qasımov və Daşqın Feyruzlu smartfonlardan istifadəyə qadağa qoyulması barədə əmrin pozulması səbəbindən ordudan çıxarılıb.
Müdafiə Nazirliyinin məlumatında deyilir ki, həmin hərbi qulluqçular xidmətə aid video və audioçəkilişlər edərək sosial şəbəkələrdə öz səhifələrində yayıblar.
Müdafiə Nazirliyi xəbərdarlıq edir ki, smartfonlardan istifadəyə qadağa barədə əmri pozanlar bundan sonra da ciddi cəzalandırılacaqlar.
Xatırladaq ki, bundan öncə də Azərbaycan Silahlı Qüvvələrinin bir neçə hərbçisi eyni səbəbdən ordu sıralarından çıxarılaraq cəzalandırılıb. 16D
Cəmiyyət
-
Dövlət reyestrinə daxil edilməyən dərman vasitəsinin reseptə yazılmasına görə vəzifəli şəxslər (həkimlər) cərimələnəcək. Bunu edən həkimlərə 100-dən 150 manatadək, hüquqi şəxslərə isə 300-dən 400 manatadək cərimə nəzərdə tutulub. Bu, İnzibati Xətalar Məcəlləsinə əlavə kimi təklif edilən yeni -221.12-ci maddədə əksini tapıb.
-
Ölkənin lider mobil operatoru ISO 37001:2016 “Antikorrupsiya idarəetmə sistemi” standartları üzrə sertifikatını uğurla yeniləyib Azercell-in daxili siyasət və prosedurlarının ISO 37001:2016 standartına uyğunluğu, şirkətin fəaliyyətinin şəffaflıq prinsiplərinə əsaslandığı beynəlxalq ekspertlər tərəfindən bir daha təsdiqlənib. Sertifikatlaşma auditini 16 oktyabr 2024-cü il tarixində ABŞ-ın ən böyük akkreditasiya qurumu olan ANAB-ın (ANSI National Accreditation Board) akkreditə etdiyi Türkiyənin Denetik Belgelendirme şirkəti həyata keçirib. Auditin nəticələri Azercell-in antikorrupsiya proqramının bütün tələblərinə cavab verdiyini bir daha sübut edib.
-
Dekabrın 12-də Bakıda və Abşeron yarımadasında hava buludlu olacaq, əsasən yağıntısız keçəcək, lakin gecəyə doğru bəzi yerlərdə arabir yağış yağacağı gözlənilir. Mülayim cənub-qərb küləyi səhər arabir güclənən şimal-qərb küləyi ilə əvəz olunacaq. Havanın temperaturu gecə müsbət 6+9, gündüz müsbət 9+3 dərəcə olacaq, Milli Hidrometeorologiya Xidməti bildirib.
-
Azərbaycan Nazirlər Kabineti 2025-ci il üçün Novruz, Ramazan və Qurban bayramları münasibətilə istirahət günlərini müəyyən edib. Müvafiq qərarı baş nazir Əli Əsədov imzalayıb.
Rəy yaz