YAŞAT Fonduna ianələr "könüllü-məcburi” şəkildə yığılır

Bakı/09.01.20/Turan: Şəhid ailələrinə və yaralı döyüşçülərə dəstək YAŞAT Fondu yaradıldığı bir ay ərzində Fonda 24 mln. 804 min 936,86 manat köçürülüb. Bunu Vətəndaşlara Xidmət və Sosial İnnovasiyalar üzrə Dövlət Agentliyinin rəhbəri Ülvi Mehdiyev bildirib. Fiziki şəxslərdən 15 mln. manatdan çox, hüquqi şəxslərdən isə 9 mln. 768 min manat daxil olub.

YAŞAT Fondu prezidentin 8 dekabr 2020-ci il tarixli ilə yaradılıb. Onun nizamnaməsinin 2.1.1-ci bəndində deyilir ki, Fondun vəsaitləri fiziki və hüquqi şəxslərin könüllü ianələri hesabına formalaşır. Bir ay ərzində yığılan vəsaitlərdən göründüyü kimi, orta hesabla, hər gün Fonda 1,2 mln. manata yaxın vəsait daxil olur.

Azərbaycanlılar üçün yaralılara və şəhid ailələrinə yardım göstərilməsi birinci dərəcəli məsələdir. Lakin ölkənin müharibədən sonrakı və pandemik iqtisadiyyatı ağır vəziyyətdədir, vətəndaşların qazancı azalıb, yüz minlərlə adam işsiz qalıb, bəziləri ancaq dövlətin müavinəti hesabına yaşayır. Fonda köçürülən ianələrin hamısı sırf könüllüdürmü?

Bir aylıq əməkhaqqının 50% - nin YAŞAT Fonduna köçürülməsi ilə razılaşmaqdan imtina etdikdən sonra "öz xahişilə " işdən məcburi çıxarılması barədə redaksiyaya məlumat verən iki vətəndaş Turan-a məlumdur. Bundan öncə bu təşkilatın kollektivi hər ay bir faiz ianə verməyə razı olub, lakin ötən ilin sonunda rəhbərliyə göstəriş verilib ki, bütün işçilərdən aylıq əməkhaqqının yarısını tutsun. Onlara söz veriblər ki, sonra bu pulları qaytaracaqlar. Amma iki işçi- ailəyə baxan yeganə insanlar  uşaqları saxlamaq məcburiyyətində olduqları üçün  maaşın yarısından ayrılmaqdan imtina ediblər. Bir müddət sonra rəhbərlik onları pis işçilər elan edib və işdən çıxmağı təklif edib.

İşdən çıxarılanlar Turan-dan xahiş ediblər ki, onların adlarını və keçmiş iş yerini açıqlamasın. Onlar əməkhaqqı üzrə yaranan borcu almağa ümid edirlər və repressiyadan qorxurlar. Hər kəsin ailəsində uşaqlar var, bir şəkildə yaşamaq lazımdır.

Onlar əlavə ediblər ki, keçmiş təşkilatda daha bir neçə nəfər pulun məcburi şəkildə tutulmasından narazılıq edib. Turan-ın məlumatına görə, eyni praktika tibb müəssisələrində də tətbiq olunur. Bu adamların qorxusu aydındır, Fond rəhbərlərinin ianə kəsiri problemini zorakılıq yolu ilə həll etmək istəyi aydın deyil.

Fond üçün ianələrin toplanmasında pozuntular var, bu barədə Ülvi Mehdiyev bildirib: "Bəzən sosial şəbəkələrdə foto yayılır və bunun ehtiyacı olan yaralı olduğu bildirilir. Lakin araşdırmadan sonra məlum olur ki, həmin şəxs hərbi xidmətdədir və yardıma ehtiyacı yoxdur. O, bizdən tələb edir ki, onun fotosunu şəxsləri tapıb cəzalandıraq”.

U. Mehdiyev jurnalistlərlə görüşdə ianələrin “könüllü-məcburi” yığılmasından danışmayıb.

Fondun fəaliyyətinə Himayəçilik Şurası (HŞ) nəzarət edir.  Turan ilə söhbətində HŞ üzvü Rəna Səfərəliyeva ianələrin vətəndaşların iradəsindən kənar yığılmasından hiddətlənib. O, belə praktikanı kommunist keçmişin qanunsuz qalığı adlandırıb. R.Səfərəliyeva repressiyaya məruz qalanlara sahə Həmkarlar İttifaqları və məhkəməyə müraciət etməyi, onların qanuni hüquqlarının müdafiəsini tələb etməyi məsləhət görüb.-0—