Yolmağa təzə qaz tapmayanda...

İsrail son günlərdə Azərbaycan sərhədlərinə yaxın ərazidə İranın ikinci hərbi obyektinə zərbə endirib. Eyni zamanda Türkiyə ilə bağlı ayrıca raket insidenti regionda gərginliyin genişləndiyini göstərir.

İranın ABŞ və İsrail aviasiyasının intensiv hava zərbələrinə baxmayaraq İsrailə raket və pilotsuz uçuş aparatları ilə hücumlarını davam etdirməsi fonunda, Qərb və regional siyasətçilər arasında narahatlıq artdığı üçün İrana qarşı quru əməliyyatının ehtimalı yüksəlir.

Niyə məhz indi İrana qarşı belə güclü zərbə endirildi və kapitulyasiya tələbi irəli sürüldü? Əslində, bunu daha əvvəl də etmək mümkün idi. İran heç vaxt Vaşinqtonun belə addımdan çəkinəcəyi qədər ciddi hərbi güc olmayıb.

ABŞ Hörmüz boğazında təhlükəsizliyi təmin etmək məqsədilə İran limanlarının ələ keçirilməsi və Fars körfəzində yerləşən kiçik adalarda hərbi qüvvələrin yerləşdirilməsi variantını müzakirə edir. Bu barədə 22 mart tarixində NBC News hərbi mənbələrə istinadən məlumat yayıb.