Açiq mənbələrdən foto.
Bakı/09.01.23/Turan: 2022-ci ildə Azərbaycanın təhlükəsizlik və müdafiə sektorunda itkisi 145 hərbi qulluqçu olub. O cümlədən 87 nəfər döyüş şəraitində, 58 nəfər qeyri-döyüş şəraitində həlak olub. Bu barədə Xəzər Hərbi Tədqiqatlar İnstitutunun 8 yanvar 2023-cü il tarixli hesabatında deyilir.
Bu qeyri-hökumət təşkilatı 2015-ci ilin fevralından Almaniyada hərbi ekspert Cəsur Sümərinlinin rəhbərliyilə fəaliyyət göstərir. Sümərinli 2003-cü ildən Azərbaycanda “Doktrina” Jurnalistlərin Hərbi Araşdırmalar Mərkəzinə rəhbərlik edib.
Döyüş itkilərindən 87 nəfər erməni tərəfilə savaş zamanı həlak olub, iki nəfər minaya düşüb.
Qeyri-döyüş itkilərinə gəlincə, hərbçilərin 11-i avtomobil qəzalarında, 9-u xəstəlikdən, 6-ı qeyri-nizamnamə hadisələrindən, 6-ı naməlum səbəblərdən, 4-ü bədbəxt hadisə nəticəsində həlak olub, 22-i intihar edib. dan dünyasını dəyişib.
Hesabatda qeyd olunur ki, həlak olanlardan 105-i Müdafiə Nazirliyinin, 32-i Dövlət Sərhəd Xidmətinin, hər birindən bir nəfər olmaqla Daxili Qoşunlar və Fövqəladə Hallar Nazirliyinin, dördü Naxçıvan Əlahiddə Ümumqoşun Ordusunun, üçü prezidentin Təhlükəsizlik Xidmətinin əməkdaşıdır.
Həmçinin qeyd olunur ki, 2022-ci ildə 304 hərbçi müxtəlif səbəblərdən yaralanıb və xəsarət alıb. Onların əksəriyyəti erməni hərbçilərlə atışmalarda güllə yarası alıb və mina partlayışları zamanı xəsarət alıb.
İnstitut qeyd edir ki, 2021-ci illə müqayisədə itkilərin sayı artıb: o zaman 18 döyüş itkisi, 66 qeyri-döyüş itkisi olmuşdu.
Ümumilikdə, itkilərin hesablanmasına başlanıldığı vaxtdan, 2003-cü ildən Azərbaycanın təhlükəsizlik və müdafiə sektoru ən azı 4419 hərbi qulluqçu itirib ki, bunun da 3753 nəfərə yaxını döyüş itkisidir. Bu müddətdə yaralanan əsgərlərin sayı 13 mindən çoxdur. 06D
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz