Zamin Salayev
Bakı/02.05.23/Turan: Çərşənbə axşamı Bakının Qaradağ Rayon Məhkəməsində hakim Rufan Mürsəlovun sədrliyi ilə Xalq Cəbhəsi Partiyasının Salyan rayon təşkilatının sədri Zamin Salayevin işi üzrə hazırlıq iclası keçirilib.
Məhkəmə mahiyyəti üzrə dinləmələri mayın 11-nə təyin edib.
Vəkil Nemət Kərimlinin Turan-a verdiyi məlumata görə, Salayev məhkəməyə bildirib ki, ona qarşı cinayət işi siyasi sifarişdir və buna etiraz əlaməti olaraq o, 85 gündür aclıq edir.
O, aclığı sonuna qədər davam etdirəcəyini deyib: "Ya azadlıq, ya ölüm".
Vəkil məhkəmə tərkibinə etiraz edib, belə ki, hakim Mürsəlov daha əvvəl müdafiə tərəfin Salayevin ev dustaqlığına keçirilməsi haqqında vəsatətini təmin etməyib və qərəzsiz ola bilməz.
Müdafiə tərəfi həmçinin cinayət işinə bəraətverici əsaslarla xitam verilməsi haqqında vəsatət qaldırıb. Amma etiraz və vəsatət təmin edlməyib.
Prosesi müşahidə edən AXCP lideri Əli Kərimli belə deyib: "85 gündür aclıq edən insanı adi maşınla məhkəməyə gətirirlər. O, özü hərəkət edə bilmir. Ona qarşı belə rəftar açıq-aşkar amansızlıqdır".
* Xatırladaq ki, fevralın 8-də Bakının Qaradağ rayon məhkəməsi Salayevi üç ay müddətinə həbs edib. Ona qarşı CM-in 221.3-cü maddəsi ilə cinayət işi açılıb. Fəal 5 ilədək azadlıqdan məhrum edilə bilər.
Zamin Salayev məhkəmədə ona qarşı irəli sürülmüş ittihamın yalan olduğunu və sosial şəbəkələrdə hakimiyyəti tənqid etdiyinə görə cəzalandırıldığını bildirib.
Hüquq müdafiəçiləri Salayevi siyasi məhbus kimi tanıyıblar. В06
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz