журналистка Севиндж Османгызы
Bakı/11.04.19/Turan: ABŞ-da yaşayan jurnalist Sevinc Osmanqızı aprelin 9-da onun telefon danışıqlarının dinlənilməsi və həmin qeydlərin "Real TV" telekanalının efirində yerləşdirilməsi ilə bağlı videomüraciət yayıb.
https://www.youtube.com/watch?v=Z_F11Mi6lxg
https://www.realtv.az/news/az/14081/mir-shahinin-vaxti-video
S.Osmanqızı audioyazının həqiqi olduğunu təsdiqləyib və qeyd edib ki, onun jurnalist Çingiz Sultansoy ilə söhbəti bir ay öncə olub.
S.Osmanqızı güman edir ki, söhbət qanunsuz olaraq dinlənilib və Azərbaycanın xüsusi xidməti tərəfindən yazılıb.
"Əsas məsələ bu audioyazının necə ələ keçirilməsidir. İlk növbədə bu sual ABŞ və Almaniya mobil operatorlarına aiddir", - S.Osmanqızı deyib.
Onun sözlərinə görə, bu, Azərbaycandan kənarda yaşayan jurnalistlərin təhlükəsizliyini şübhə altına alır.
"Belə məlum olur ki, İlham Əliyev hökuməti öz vətəndaşlarını ancaq Azərbaycanda deyil, onun hüdudlarından kənarda da təqib edir, onları dinləyir, onlara pusqu qurur, özəl həyatlarına müdaxilə edir və onlara qarşı casusluq fəaliyyəti ilə məşğul olur. Burada istifadə olunan texnologiya da çox vacibdir. Bu texnologiyanı İlham Əliyevin hökumətinə kimlər satıb.
Əgər hakimiyyət xaricdə yaşayan jurnalistlərə qarşı belə hərəkətlər edirsə, bunu ölkədə yaşayan azad jurnalistlərə, azad fikir daşıyıcılarına, siyasi fəallara, müxalifətə qarşı da edir.
"Biz bir yerdə İlham Əliyev hökumətindən cavab tələb etməliyik ki, siz hansı məqsədlə, hansı texnologiyadan istifadə edərək mənim telefon danışığımı yaymısınız", - o qeyd edib.
KİV sahəsində ekspert Ələsgər Məmmədli baş verənləri Turan-a şərh edərkən deyib ki, şəxslər arasında telefon danışığının onların icazəsi olmadan yazılması və yayılması Cinayət Məcəlləsinin 155-ci maddəsinə əsasən hüquqi məsuliyyət yaradır.
"Zərərçəkənlər öz vəkilləri vasitəsilə prokurorluğa müraciət edərək cinayət işinin açılmasını tələb edə bilər", - Ə.Məmmədli qeyd edib.
Məsələnin texniki tərəfinə gəlincə, o, söhbətin aparıldğı otaqda dinləmə cihazının olduğunu istisna etməyib.03B-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz