![Açiq mənbələrdən foto.](https://turan.az/resized/media/2021/main/070100035078-750-500-resize.webp)
Açiq mənbələrdən foto.
ADR Hərəkatı hakimiyyətdən “soyğunçuluq və möhtəkirlik” siyasətinə son qoymağı tələb edir
Bakı/01.07.21/Turan: Azərbaycan Demokratiya və Rifah (ADR) Hərəkatı əhaliyə satılan qazın qiymətinin bahalaşması ilə bağlı bəyanat qəbul edib.
Sənəddə deyilir:
“İyulun 1-dən Tarif Şurasının qərarı ilə əhaliyə satılan qazın qiymətini bahalaşdırıb, indiyədək mövcud olan iki pilləli tariff sistemindən 3 səviyyəli ödəniş formasının tətbiqinə start verilib. Bundan sonra hər kub metr qaz üçün 10 qəpik yalnız ildə 1200 kub metr qaz sərfiyyatı olan ailələrə şamil olunacaq. Halbuki, bundan əvvəl ən aşağı tariflə ödəniş limiti 2200 kub metrədək idi. Hazırda isə 1200 kub metrdən 2500 kub metrədək qaz sərfiyatı olan ailələr onun üçün hər kub metrə görə 20 qəpik, ildə 2500 kub metrdən çox qaz istehlakçıları isə artıq olan hər kub metrə görə 25 qəpik ödəmək məcburiyyətində qalacaqlar”.
Tarif Şurasının 30 aprel 2019 cü il tarixli iclasında ən aşağı tarif - hər kub metr 10 qəpik- üçün limit 1700 kub metrdən 2200 kub metrə qaldırıb. Sual olunur ki, son 15 ayda əhalinin gəlirlərində hansı artım qeydə alındı ki, bu gündən limiti 2200 kub metrdən 1200 kub metr endirildi? Halbuki, Dövlət Statistika Komitəsinin məlumatına görə, əhalinin hər nəfərinə düşən nominal gəlirlər 2021-ci ilin yanvar-may aylarında 2020-ci ilin yanvar-may aylarına nisbətən 1,3 faiz azalıb.
“Onsuz da yüksək olan qaz tariflərinin daha da bahalaşdırılması heç şübhəsiz ki, əhalinin böyük əskəriyyətinin xərclərinin kəskin artımına gətirib çıxaracaq, xüsusilə də pensiyaçılar, aztəminatlı təbəqələr, işsizlər, hətta aşağı əmək haqları ilə işləyənlər bu xərcin öhdəsindən gələ bilməyəcəklər. Bu isə cəmiyyətdə onsuz da yüksək olan sosial gərginliyi daha da çoxaldacaq və hakimiyyətdən narazıların sayını artıracaq”, - daha sona bəyanatda deyilir.
Hakimiyyətin su, qaz tariflərlərini artırmasını həmin sektorların zərərlə işləməsi ilə izah etməsi heç də tariflərin aşağı olması ilə bağlı deyil, bu və digər kommunal sektorlarda təsərrüfatsızlığın, korrupsiyanın, pis idarəçilyin mövcudluğu ilə əlaqədardır. Həmin sektorların islahatını illərlə ləngidən Azərbaycan hakimiyyətinin kommunal tarifləri əhalinin alıcılıq qabliyyətini əsas götürmədən, gəlirlərin azadlığı dövrdə artırması, həm də istehlakçı cəmiyyətinin formalaşmaması, onların hüquqlarının nəzərə alınmaması ilə izah oluna bilər.
“Xüsusilə də COVİD pandemiyası dövründə iş yerlərinin kütləvi ixtisarı, işləyənlərin orta aylıq əmək haqlarının əvvəlki dövrlə müqayisədə azalması, ərzaq məhsullarının və dərman perparatlarının qiymətlərinin kəskin bahalaşması əhalinin ödəmə qabliyyətinin aşağı düşməsini şərtləndirib. Belə həssas durumda onsuz da pisləşən sosial durumu nəzərə almadan verilən qərarlar hakimiyyətə etimadsızlığı gücləndirəcək, hökümətlə xalq arasında uçurumu dərinləşdirəcək və yaşayış şərtlərini xeyli pisləşdirəcək. Odur ki, ADR Hərəkatı hakimiyyətdən soyğunçuluq və möhtəkirlik siyasətinə son qoymağı, əhali qrupu üçün qaz tariflərinə yenidən baxmağı və Tarif Şurasının bununla əlaqədar olan 30 iyun 2021-ci il tarixli qərarının ləğvini tələb edir”, - sonda ADR Hərəkatı bildirir.—06В-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz