Мехман Гусейнов
Bakı/05.06.18/Turan: Bazar ertəsi Ali Məhkəmədə bloger Mehman Hüseynovun kassasiya şikayətinə baxılıb. M.Hüseynovun işinə ikinci dəfədir ki, Ali Məhkəmədə baxılır.
Birinci dəfə təkrar məhkəmə istintaqının aparılması üçün iş Bakı Apellyasiya Məhkəməsinə göndərilib. Lakin Apellyasiya instansiyası faktiki olaraq istintaq aparmayıb, ötən ilin oktyabrında çıxarılmış hökmü qüvvədə saxlayıb.
Xatırladaq ki, blogerin həbsinə 2017-ci ilin yanvarında Bakının mərkəzində oğurlandıqdan sonra polisdə işgəncəyə məruz qalması barədə bəyanatı səbəb olub. Buna cavab olaraq Nəsimi Rayon Polis İdarəsinin rəhbəri Musa Musayev böhtanla bağlı iddia qaldırıb.
Martın 3-də Suraxanı Rayon Məhkəməsi M.Hüseynovu böhtanda (CM-in 147.2-ci maddəsi) təqsirli bilərək iki il azadlıqdan məhrum edib.
Bugünkü iclasda M.Hüseynov özü iştirak etməyib. O, prosesdə iştirakdan imtina edir. Vəkil Fuad Ağayev M.Hüseynovun işini hüquq praktikasında nonsens adlandırıb. Çünki 147-ci maddə (böhtan) üzrə iddianı ancaq fiziki şəxslər qaldıra bilər.
İndiki halda Nəsimi polisinin rəisi qurumun adından M.Hüseynovun cəzalandırılmasını tələb edib. Vəkil diqqəti ona yönəldib ki, polis M.Hüseynovun böhtan söylədiyinə sübut təqdim etməyib.
Jurnalist bildirib ki, onun başına torpa keçirərək şəxsi maşında polisə aparıblar. Polisdə müşahidə kamerasının olmasına baxmayaraq, M.Hüseynovun polisə aparılmasına dair kadrlar məhkəməyə təqdim edilməyib. Eyni zamanda polis bildirib ki, M.Hüseynovu Nəsimi polisinə post-patrul xidmətinin polis avtomobilində aparıblar.
Vəkilin fikrincə, Ali Məhkəmə özünün əvvəlki qərarına sayğısız yanaşıb. Belə ki, əvvəlki qərarda Apellyasiya Məhkəməsi təkrar istintaq keçirməyə və Nəsimi polisindəki kadrlara baxılmasını təmin etməyə çağırılırdı.
Müdafiə tərəfi Avropa İnsan Hüquqları Məhkəməsinə müraciət edəcək.-06D--
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz