Polad Aslanov.
Ali Məhkəmə jurnalistin cəza müddətini 16 ildən 13 ilə endirib
Bakı/24.02.22/Turan: Bu gün Azərbaycan Ali Məhkəməsində hakim Hafiz Nəsibovun sədrliyi ilə dövlətə xəyanətdə təqsirli bilinərək 16 il müddətinə azadlıqdan məhrum edilən Polad Aslanovun kassasiya şikayətinə baxılıb.
İclasda təqsirləndirilən şəxsin vəkili Elçin Sadıqov ittihamın əsassız olduğunu vurğulayıb. 2019-cu ilin iyununda saxlandıqdan sonra 19 saat ərzində o, psixoloji təzyiqə məruz qalıb və həyat yoldaşının həbsi ilə hədə-qorxu gəlindikdən sonra ittihamı etiraf edib.
Vəkil bildirib ki, Aslanov İrana ziyarət təşkil edən turizm şirkətlərindən hüquq mühafizə orqanlarının əməkdaşlarının rüşvət tələb etməsi ilə bağlı üç məqalə dərc edib. Jurnalist buna görə həbs edilib.
Bu nəşrlər ittiham tərəfinin materiallarında da qeyd olunub. İttiham tərəfi iddia edib ki, Aslanov İranda xüsusi xidmət orqanının nümayəndəsi ilə gizli görüşlər keçirib. Lakin bu iddialarda etibarlı sübut yoxdur.
Bundan başqa, bəzi şahidlər məhkəməyə gəlməyib və məhkəmə onların məcburi gətirilməsini təmin etməyib, ona görə də onların ifadəsi sübut sayıla bilməz. Məhkəmədə çıxış edən şahidlər birbaşa Aslanovun əleyhinə ifadə verməyiblər.
Vəkil jurnalistin məhz peşəkar fəaliyyətinə, xüsusi xidmət orqanlarının ünvanına tənqidi fikirlərinə görə təqib edildiyini qeyd edib və məhkəmədən ona bəraət verilməsini istəyib.
Aslanov vəkilin çıxışını dəstəkləyib və həbsindən keçən 3 il ərzində özünün və ailəsinin təzyiqlərə məruz qaldığını vurğulayıb.
O, Avropa Məhkəməsində ədalət axtarmamaq üçün Ali Məhkəməni ədaləti bərpa etməyə çağırıb.
Dövlət ittihamçısı bildirib ki, Aslanovun təqsiri sübuta yetirilib, lakin yüngülləşdirici hallar var - əvvəllər məhkum olunmaması, habelə ailə vəziyyəti, azyaşlı övladının olması nəzərə alınmaqla cəzası 3 il müddətinə azaldıla bilər.
Beləliklə Alai Məhkəmə Bakı Apellyasiya Məhkəməsinin qərarını dəyişdirərək, həbs müddətini 16 ildən 13 ilə endirib.
Vəkil Sadıqov jurnalistlərə bildirib ki, müdafiə tərəfi Strasburq məhkəməsinə müraciət edəcək.
Xeberman.com saytının təsisçisi və rəhbəri Polad Aslanov 2019-cu ilin iyununda dövlətə xəyanətdə ittiham edilərək həbs edilib və 16 il müddətinə azadlıqdan məhrum edilib. Hüquq müdafiəçiləri onu siyasi məhbus kimi tanıyıblar.-06B-
Cəmiyyət
-
"Koroğlu" metrostansiyasının cənub çıxışında nəqliyyat mübadilə mərkəzi yaradılması ilə bağlı Azərbaycan Yerüstü Nəqliyyat Agentliyi (AYNA) tərəfindən layihə hazırlanaraq Nəqliyyatı Əlaqələndirmə Şurasına təqdim olunub və müvafiq qaydada razılaşdırılıb.
-
Mayın 3-də Bakıda və Abşeron yarımadasında temperaturun aşağı düşəcəyi və havanın yağıntılı olacağı gözlənilir. Sinoptiklərin proqnozuna görə, cümə günü axşam yağış yağacağı gözlənilir. Güclü şimal-qərb küləyi əsəcək.
-
Mayın 1-də ABŞ Maliyyə Nazirliyinin açıqladığı sanksiya siyahısında 60 şirkətin adları var və Rusiya ilə yanaşı Azərbaycan, Belçika, Çin, Birləşmiş Ərəb Əmirlikləri (BƏƏ), Slovakiya və Türkiyə şirkətləri də sanksiyalar altına düşüb.
-
Azercell-in həssas qadın qrupları üçün təşkil etdiyi təlimlər davam edir Azercell və “Ümidli Gələcək” İB-in “Gələcəyi öz əllərinlə yarat” layihəsi çərçivəsində növbəti təlim baş tutub. “Təmiz dünya” Qadınlara Yardım İctimai Birliyinin sığınacağında keçirilmiş təlimə yetkin qadınlarla yanaşı həm də yeniyetmə və gənc qızlar qatılıb. Təlimdə Azercell Akademiyasının mütəxəssisləri iştirakçılara “yumşaq bacarıqlar” - daxili motivasiya, ünsiyyət, empatiya, emosional zəka barədə məlumat veriblər. Qadın sığınacağının sakinləri isə öz növbələrində hədəfləri, karyera və təhsil planları barədə mütəxəssislərdən tövsiyələr alıblar.
Rəy yaz