Bakı/12.08.22/Turan: Bakı Ağır Cinayətlər Məhkəməsində Azərbaycan Xalq Cəbhəsi Partiyasının fəalı Cəfər Mirzəyevin işi üzrə proses davam edir. O, Almaniyadan deportasiya olunduqdan sonra həbs edilib və narkotik maddə alverində ittiham olunub.
Onun qardaşı Vüsal Mirzəyev Turan-a bildirib ki, avqustun 12-də keçirilən iclasda şahid ifadələri başa çatıb. Şahid qismində fəalı həbs edən polis əməkdaşları çıxış ediblər.
Hakim Cavid Hüseynovun sədrliyilə proses qeyri-obyektiv keçir və müdafiə tərəfinin vəsatətləri təmin edilmir, fəalın qardaşı deyib.
Fəalın özü proses zamanı bir daha bildirib ki, onu Ramana qəsəbəsində mağazada alış-veriş edərkən saxlayıblar və narkotik maddəni onun üzərinə polis əməkdaşları qoyublar. Mirzəyev deyib ki, ona işgəncə verərək etirafedici ifadə verməsini tələb ediblər. Növbəti iclas avqustun 26-da olacaq.
* Cəfər Mirzəyev Almaniyadan deportasiya olunduqdan sonra ötən ilin payızında narkotik maddə alveri ittihamı ilə həbs edilən 4 fəaldan biridir. Digər iki fəal başqa ittihamlarla həbs edilib. Hüquq müdafiəçiləri onları siyasi məhbus kimi tanıyıblar.
2021-ci il noyabrın 25-də Cəfər Mirzəyev Almaniyadan deportasiya edilib və yanvarın 27-də Bakıda həbs olunub. Ona qarşı Cinayət Məcəlləsinin 234.4.3-cü maddəsilə (külli miqdarda narkotik vasitənin qanunsuz dövriyyəsi) ittiham irəli sürülüb. Fəalları 5 ildən 12 ilədək həbs təhlükəsi gözləyir. 06B
Cəmiyyət
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
-
Yanvarın 29-da Azərbaycanda bələdiyyə seçkiləri keçirildi. 118 dairə üzrə seçkilərdə 16 mindən çox namizəd iştirak etdi. Mərkəzi Seçki Komissiyasının (MSK) saytında artıq lider namizədlərin adları açıqlanıb. Seçkidən saatlar sonra isə MSK sədri Məzahir Pənahov brifinqdə bildirmişdi ki, 685 bələdiyyənin 413-ü artıq formalaşmış hesab edilir, lider namizədlərin sayı 7 min 791 nəfərdir. Onun sözlərinə görə, bütün dairələrdə seçkilər normal keçib və rəhbərlik etdiyi quruma heç bir şikayət daxil olmayıb. Halbuki, müstəqil namizədlər və ekspertlər seçkilərin gedişatında pozuntuların olduğunu deyirlər.
-
Cümə günü paytaxtda hava dəyişkən olacaq, yağış gözlənilmir.Cənub-şərq küləyi əsəcək. Havanın temperaturu gecə müsbət 5 +7, gündüz müsbət 8 + 12 dərəcə olacaq. Rütubət 70-80 faiz olacaq.
-
Yanvarın 30-da Bakıda aydınlaşdırma ilə buludlu olacaq, gün ərzində Abşeron yarımadasında az yağıntı ola bilər. Külək cənub-şərq olacaq. Gecə havanın temperaturu +4 - dən +7c-ə, gündüz isə +8-dən +12C-ə qədər olacaq.havanın rütubəti 70-80% olacaq.
Rəy yaz