Açiq mənbələrdən foto.
Bakı/21.05.20/Turan: Bu gün Bakı Apellyasiya Məhkəməsi Xalq Cəbhəsi Partiyasının fəalı Niyaməddin Əhmədovun inzibati həbsindən verilmiş şikayəti təmin etməyib.
İclas onun iştirakı olmadan keçirilib. Karantin tədbirlərini bəhanə edərək, onu məhkəməyə gətirməyiblər.
Maraqlıdır ki, Əhmədov artıq 30 gün inzibati həbs cəzası çəkib, bu müddət başa çatdıqdan sonra ona qarşı CM-in 214-1-ci (terrorçuluğu maliyyələşdirmə) maddə ilə cinayət ittihamı irəli sürülüb və o 4 ay müddətinə həbs edilib.
Bu qərardan verilmiş apellyasiya şikayətinə hələlik baxılmayıb. Vəkil Sadıqova hələlik istintaq təcridxanasında müvəkkili ilə görüşməyə müvəffəq olmayıb.
AXCP-nin məlumatına görə, Əhmədov terrorçuluqda iştirakı ilə bağlı ifadə almaq məqsədilə ağır işgəncələrə məruz qalır. -06D-
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz