Elşən Abbasov
Apellyasiya Məhkəməsi dini fəalı azad etməyib
Bakı/15.03.22/Turan: Martın 14-də Bakı Apellyasiya Məhkəməsi Nərimanov Rayon Məhkəməsinin “Müsəlman Birliyi” Hərəkatının üzvü Elşən Abbasovun barəsində həbs qətimkam tədbirilə bağlı qərarından verilən şikayəti təmin etməyib.
Martın 5-də Nərimanov Rayon Məhkəməsi Abbasovun barəsində 4 ay həbs qətimkam tədbiri seçib.
Abbasov Cinayət Məcəlləsinin 234.4.3 maddəsi(qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma, külli miqdarda törədildikdə) ilə ittiham olunur.
Vəkil Nemət Kərimli Turan-a bildirib ki, məhkəmədə Elşən Abbasov ittihamı qəbul etməyib.O bildirib ki, martın 3-də mülki geyimli şəxslər tərəfindən saxlanılaraq əvvəlcə Bərdə rayon polis şöbəsinə, oradan isə Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinə aparılıb. Orada işgəncələr altında ifadə verib.
Müdafiə tərəfi hesab edir ki, Abbasovu dini baxışlarına görə həbs ediblər. Onu artıq iki dəfə mühakimə ediblər: 2012-ci ilin oktyabrında məktəblərdə hicab qadağasına qarşı etiraz aksiyasında iştiraka görə, 2017-ci ildə isə narkotik maddələrin qanunsuz saxlanılması ittihamı ilə2,5 il müddətinə.
Hüquq müdafiəçiləri əmindir ki, Abbasov gənclərin dini maarifləndirilməsinə, həmçinin narkotik maddələrin zərərindən bəhs etdiyi Quran kurslarının təşkilinə görə təqib olunur.
Daxili İşlər Nazirliyinin mətbuat xidmətindən şərh almaq mümkün olmayıb.-03-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz