Apellyasiya Məhkəməsi Müsavat fəalını həbsdə saxlayıb

Bakı/26.11.18/Turan: Bazar ertəsi Bakı Apellyasiya Məhkəməsində Müsavat Partiyasının Gənclər Təşkilatının sədri Əbülfəz Sadıqbəylinin şikayətinə baxılıb.

Vəkil Osman Kazımovun sözlərinə görə, şikayət Sabil rayon məhkəməsinin Sadıqbəylinin 3 ay müddətinə həbs edilməsi haqqında 21 noyabr tarixli qərarından verilib.

Fəal CM-in 178.2.1 (fırıldaqçılıq, əvvəlcədən əlbir olmuş bir qrup şəxs tərəfindən törədildikdə) və 320.2-ci (Qəsdən saxta sənədlərdən, möhürlərdən, blanklardan istifadə etmək) maddələri ilə ittiham olunur.

Xüsusən, Sadıqbəyli "Nikoil Bank"dan kreditin ödənilməsi haqqında arayışı saxtalaşdırmaqda ittiham olunur.

Apellyasiya Məhkəməsi şikayəti təmin etməyib və fəalı həbsdə saxlayıb.

Doğmalarının sözlərinə görə, A.Sadıqbəyli bir neçə il əvvəl alınmış "Niva" avtomobili üçün 5100 manatlıq (3050 dollar) kreditin ödənilməsi haqqında sənədi saxtalaşdırmaqda ittiham olunur.

İstintaqın iddiasına görə, Sadıqbəyli guya yol polisinə kreditin ödənilməsi haqqında saxta sənəd təqdim edərək, avtomobili bankın girovundan öz mülkiyyətinə keçirib, daha sonra isə satıb.

Amma ekspertiza təsdiq edib ki, bankın möhürü və imzası orijinaldır. Arayışın qeydiyyat məlumatlarında uyğunsuzluq var, amma bu məsələ Sadıqbəyli ilə deyil, bankın özü ilə bağlıdır, qohumları belə hesab edir.

"Nikoil Bank"dan hələlik məsələni şərh etmirlər. Hələlik Turan agentliyinin soruğusuna bankdan cavab daxil olmayıb.

Müsavat Partiyasında hesab edirlər ki, Sadıqbəyli siyasi məqsədlə saxta ittihamla təqib olunur. -06D-