Rufat Safarov
Bakı/22.04.22/Turan: Cümə günü Apellyasiya Məhkəməsində Vətəndaşl və İnkişaf Partiyasının lideri, həbsdə olan Əli Əliyevin şikayəti üzrə hazırlıq iclası keçirilib.
O, Sərhəd Xidmətinin kapitanı Ramin Ədilovun ünvanına böhtana görə onu mühakimə edən Yasamal məhkəməsinin 15 aprel tarixli qərarından apellyasiya şikayəti verib.
Məhkəməyə gətirilən Əli Əliyev çıxışdan imtina edib. Onun vəkili Cavad Cavadov deyib ki, ölkə Konstitusiyasının 64-cü maddəsinə əsasən, heç kim eyni cinayətə görə təkrar mühakimə edilə bilməz. Lakin Əliyevi yanvarın 13-də eyni fakt üzrə - Sərhəd Qoşunları zabitlərinin ünvanına böhtana görə 5 ay müddətinə azadlıqdan məhrum ediblər.
Məhkəmə şikayətə mahiyyəti üzrə baxılmasını aprelin 29-na təyin edib.
Jurnalistlər və hüquq müdafiəçiləri bu prosesə buraxılmayıblar. Eyni zamanda polis güc tətbiq edib. "Müdafiə xətti" qeyri-hökumət təşkilatının rəhbəri Rüfət Səfərov saxlanılıb və döyülüb. Onu maşına mindiriblər. 20 dəqiqə orada saxlayıblar və məhkəmə bitdikdən sonra sərbəst buraxılıblar.
“Bütün bunlar onun göstəricisidir ki, ölkədə azad məhkəmə yoxdur və hər şeyi polis həll edir. Hüquq müdafiəçiləri hətta açıq məhkəmə iclasına gələ bilmirlər”, - Səfərov Turan-a bildirib.
*30 noyabr 2021-ci il tarixində Azərbaycan Sərhəd Qoşunlarının Mİ-17 vertolyotu Bakıdan 70 kilometr aralıda qəzaya uğrayıb. 14 zabit həlak olub, ikisi sağ qalıb.
Əli Əliyev qəzada kiminsə sağ qalmasının mümkünlüyünə şübhə ilə yanaşıb. Bundan sonra sağ qalan iki zabit onu böhtana görə məhkəməyə verib. Məhkəmə birinci iddianı yanvarda, ikinci iddianı isə aprelin 15-də təmin edib. -16B-
Cəmiyyət
-
Lider mobil operator “OPPO” və “Honor” cihazlarını əldə edən müştərilərə 3 ay boyunca 5 GB internet hədiyyə edir Azercell Yeni il ərəfəsində abunəçiləri üçün xüsusi kampaniya elan edir. Lider mobil operator “OPPO” və “Honor” cihazları əldə edən fakturasız xətt abunəçilərinə 3 ay boyunca 5 GB internet hədiyyə edir.
-
Bugünlərdə deputat Qüdrət Həsənquliyev parlamentdə prezidentə yalnız məhkumları deyil, istintaq altında olan şəxsləri də əfv etmək səlahiyyətinin verilməsi ilə bağlı təşəbbüs qaldırıb.
-
Tarixçi Cəmil Həsənlinin son Facebook paylaşımı Azərbaycanın pensiya sistemi və əmək bazarı ilə bağlı müzakirələri yenidən alovlandırıb, sosial təminat və məşğulluq siyasətlərindəki ciddi çatışmazlıqları üzə çıxarıb. Kəskin tənqid, Əmək və Əhalinin Sosial Müdafiəsi Naziri Sahil Babayevin parlament iclasında “heç vaxt işləməmiş və sosial sığortaya töhfə verməmiş şəxslərin pensiya hüququ olmamalıdır” bəyanatından sonra gəldi. Bu açıqlama, məşğulluq boşluqları və məhdud sosial təminat şəbəkələrinin bərabərsizliyi artırdığı Azərbaycanın əmək və pensiya sistemindəki köklü struktur problemlərinə diqqəti cəlb edib.
-
Azərbaycanda bir qrup tiktoker inzibati qaydada həbs olunub. DİN-in mətbuat xidmətinin məlumatına görə, saxlanılan şəxslər "sosial şəbəkələrdə cəmiyyətə qarşı hörmətsizlik, mənəvi dəyərlərə uyğun olmayan qeyri-etik paylaşımlar və çağırışlar" edirdilər.
Rəy yaz