ekran görüntüsü
Arqument.az redaktoru məhkəmədə Media haqqında Qanununun Konstitusiyaya uyğunluğunu mübahisə edir
Bakı/03.05.23/Turan: Arqument.az saytının rəhbəri Şəmşad Ağa "Media haqqında" Qanunu ilə bağlı məhkəməyə müraciət edib.
Baş redaktor Turana bildirib ki, 30 səhifəlik əsaslandırılmış müraciətdə qanunun Konstitusiyaya uyğun olub-olmadığının müəyyənləşdirilməsini iddia etdi. "Bu olduqca mürtəce bir qanundur və onsuz da Azərbaycanda məhdudlaşdırılmış media azadlığını daha da qısıtlayacaq".
Jurnalist qeyd edib ki, "Media haqqında" qanunla bağlı Avropa Şurasının Venesiya Komissiyası mənfi rəy verdi və Avropa Şurasının üzvü olan bir ölkədə belə qanunun mövcud olmasını qəbuledilməz saydı. "Konstitusiya Məhkəməsinə müraciət etməyimin məqsədi odur ki, məhkəmə Milli Məclisə qanunu Konstitusiyaya uyğunlaşdırmağa tövsiyyə etsin. Çünki bu qanun həm Azərbaycan Konstitusiyasına, həm Avropa İnsan Haqları Konvensiyasına, həm də Azərbaycanın öz üzərinə götürdüyü beynəlxalq öhdəliklərinə ziddir. Qanunun tətbiqi dayandırılmalıdır, çünki o çox böyük problemlər yaradır və azsayda müstəqil jurnalistlərinin fəaliyyətini tam məhdudlaşdırır".
Ş.Ağa hesab edir ki, ifadə azadlığına dəyər verən hər bir jurnalist bu qanunla bağlı Konstitusiya Məhkəməsinə müraciət etməlidir və kampaniya kütləvi xarakter daşımalıdır. "Bu qanunu əlində rəhbər tutaraq müstəqil jurnalistlərin fəaliyyətinə problem yaradacaqlar. Məqsəd elə bu idi ki, əllərində hüquqi əsas olsun ki, ölkədə medianı tam sıradan çıxarıb jurnalisti "mirzə" rolunda görsünlər".
O, qeyd edib ki, qanunda həm Media Reyestri, həm də jurnalistin yaradıcılıq fəaliyyətinə qoyulan məhdudiyyətlər medianın fəaliyyətinə maneələr yaradır. "Konstitusiya Məhkəməsi xeyrimizə qərar qəbul etməsə, bunu beynəlxalq müstəvidə mübahisələndərəcəyik".
Hökümət nümayəndələri isə "Media haqqında" qanunun yerli və beynəlxalq hüquqi normalara tam cavab verdiyini deyir.
Medai Agentliyi 2022-ci ildə "Media haqqında" qanunla bağlı isə Venesiya Komissiyasına cavabında bildirmişdi ki, qanun fəaliyyəti Azərbaycan Respublikasının ərazisinə və əhalisinə istiqamətlənmiş media subyektlərinin müdafiə mexanizmlərindən istifadəsinə şərait yaradır, həmçinin fövqəladə vəziyyətlərdə jurnalistlərin təhlükəsiz şəraitdə peşə borclarını yerinə yetirməsini təmin edir.
-
- Cəmiyyət
- 3 May 2023 16:05
Cəmiyyət
-
Bu gün Bakının mənzərəli Səbail rayonunda, Xəzər dənizinə baxan yerdə hüquqşünas Aslan İsmayılov bir qrup fədakar ekofəal ilə birlikdə mühüm mərhələni - vaxtilə dağılmış, torpaq sürüşməsinə məruz qalmış yamacda yaradılmış parkın yeddinci ildönümünü qeyd edib. Boş çöldə salınmış bu yaşıl məkan şəhərin genişlənən yaşıl zolağının həyat əhəmiyyətli hissəsini təmsil edir və ətraf mühitin bərpası üzrə uğurlu layihədir.
-
Bazar günü, mayın 5-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir. Əsasən səhər və axşam bəzi yerlərdə yağış yağacağı ehtimalı var. Mülayim cənub küləyi gecəyə doğru arabir güclənən şimal-qərb küləyi ilə əvəz olunacaq.
-
Bakcell Fəvvarələr Meydanında yeni brend kimliyinə uyğun innovativ mağazasını təqdim etdi. Mayın 3-dən etibarən faəliyyətə başlayan mağazanın açılışında Bakcell-in süni intellekt dəstəkli insanabənzər robotu Ardi iştirak edib.
-
Mayın 4-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin gecə bəzi yerlərdə qısamüddətli yağış yağacağı ehtimalı var. Mülayim şimal küləyi əsəcək.
Rəy yaz