![Arqument.az saytı bloklanıb](https://turan.az/resized/750/500/resize/media/2019/main/040900018022.jpg)
Arqument.az saytı bloklanıb
Bakı/09.04.19/Turan: Aprelin 9-dan arqument.az media saytına giriş bloklanıb. Saytın redaktoru Şəmşad Ağa Turan-a bildirib ki, saytın domeni Almaniyadadır. O, dos-hücuma məruz qalıb, sonra isə Azərbaycan ərazisində bloklanıb.
Saytın bloklanması ilə bağlı arqument.az redaksiyasına rəsmi və ya qeyri-rəsmi xəbərdarlıq daxil olmayıb.
Şəmşad Ağa bloklanmanın kartof və soğana yüksək ixrac rüsumunun tətbiqi ilə əlaqədar Cəlilabad rayonunda fermerlərin etiraz aksiyası haqda materialların dərci ilə bağlı olmasından şübhələnir.
Bu aksiya barədə informasiyanın bütün hökumətyönlü saytlardan çıxarılması bu versiyanın doğru olması ehtimalı yaradır.
Qanunvericiliyə görə, qanuna zidd informasiyanın bloklanması Rabitə Nazirliyi tərəfindən və informasiyanın çıxarılmasının vacibliyi barədə redaksiyaya xəbər verildikdən sonra edilə bilər. Tərəflərin sonrakı hərəkətlərinə isə məhkəmədə baxıla bilər.
Saytın tamamilə bloklanması yalnız məhkəmə qərarı ilə mümkündür və sübutların olduğu halda: dövlət sirrinin yayılması, dözümsüzlüyün müxtəlif formalarının təbliği, düşmənçiliyin qızışdırılması və s.
Xatırladaq ki, 2018-ci il avqustun 8-də Səbayel Rayon Məhkəməsi Rabitə Nazirliyi yanında Elektron Təhlükəsizlik Mərkəzinin məhkəməyə müraciəti əsasında arqument.az saytının bloklanması barədə qərar qəbul etmişdi. Qərara görə, "Laçınlılar İcra Hakimiyyəti başçısından narazı olduqlarını bildiriblər" və "Rayon sakinləri: İcra Hakimiyyətinin başçısı və Qorxmaz Hüseynov ("Azərsu" ASC-nin rəhbri) Lerikdə qarşıdurma yaradırlar" yazılarında qanun pozuntusu müəyyən edilmişdi.
Redaksiya məhkəmə qərarının əsassız olduğunu bildirərək və apellyasiya vermişdi. İki gündən sonra Apellyasiya Məhkəməsi bloklanma haqda qərarı ləğv etmişdi. 0-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz