Ata Abdullayev
Bakı/13.03.21/Turan: Özünü bloqer kimi təqdim edən Ata Abdullayev Dövlət Təhlükəsizlik Xidmətinin əməkdaşları tərəfindən saxlanılıb.
Bu barədə Turana Baş Prokurorluğun Mətbuat xidmətindən məlumat verilib.
A.Abdullayevin saxlanma səbəbi barədə qurumdan məlumat verilməyib.
Abdullayev müxalifət liderlərinə və fəallarına qarşı təxribatlarla, habelə keçmiş yüksək vəzifəli şəxslərə qarşı ədəbsiz davranışı ilə məşhurdur.
Sonuncu dəfə o, martın 5-də hakim partiyanın qurultayından sonra Prezident Administrasiyasının keçmiş rəhbəri Ramiz Mehdiyevə qarşı belə davranıb. Mehdiyev jurnalistlərin suallarını cavablandırarkən Abdullayev onun sözünü kəsir və israrla öz suallarına cavab tələb edirdi. -22D06-
Cəmiyyət
-
Azərbaycandan Avropa Şurasının Parlament Assambleyasına (AŞPA) ölkədə sentyabrın 1-də keçiriləcək parlament seçkilərini müşahidə etmək üçün rəsmi dəvət göndərilməyib. Azərbaycan Xarici İşlər Nazirliyinin (XİN) sözçüsü Ayxan Hacızadə deyib ki, onlar 7 beynəlxalq təşkilata dəvət göndəriblər: “ATƏT Demokratik Təsisatlar və İnsan Haqları Bürosu, Müstəqil Dövlətlər Birliyi, İslam Əməkdaşlıq Təşkilatı, GUAM, Qoşulmama Hərəkatı Gənclər Təşkilatı, Şanxay Əməkdaşlıq Təşkilatı, Türk Dövlətləri Təşkilatı XİN-in dəvət etdiyi təşkilatlardır”.
-
Bakının Qaradağ rayonundan yeni köçkün qrupu Şuşa şəhərinə gedib, Qaçqınların və Məcburi Köçkünlərin İşləri üzrə Dövlət Komitəsi bildirib. Şuşanın yetmiş doqquz sakini, o cümlədən 21 ailə doğma şəhərə qayıdıb.
-
"Gənc Qazilər" İB-nin Qəbələ rayon Filialının sədri, ikinci Qarabağ Vətən müharibəsinin iştirakçısı, Qazi Bəhram Nuruyev intihara cəhd edib. Vaxtında müalicəsinin düzgün aparılmaması və psixoloji durumunun yerində olmaması səbəbindən, dünən Qəbələ rayonunda özünü güllə ilə vurub.
-
İyulun 31-də paytaxtda yağıntı gözlənilmir. Cənub-qərb küləyi əsəcək, günün ikinci yarısında şimal-qərb küləyinə keçəcək.
Rəy yaz