Avropa İnsan Hüquqları Məhkəməsi Tofiq Yaqublunun şikayəti ilə bağlı qərarını elan edib
Bakı/15.07.21/Turan: Avropa İnsan Hüquqları Məhkəməsi müxalif siyasətçi Tofiq Yaqublunun iki şikayəti üzrə qərarını elan edib.
Şikayətlər 2012-ci ildə etiraz aksiyaları ilə əlaqədar Tofiq Yaqubluya verilmiş inzibati cəzalarla bağlı idi, bu barədə hüquqşünas Xalid Ağaliyev məlumat verib.
Avropa İnsan Hüquqları Məhkəməsinin qərarına əsasən, Yaqublunun 5-ci (azadlıq və toxunulmazlıq hüququ) və 6-cı (ədalətli məhkəmə araşdırması) maddələrində nəzərdə tutulmuş hüquqları pozulub. Qərar qəti olduqdan sonra hökumət Yaqubluya mənəvi zərər əvəzi 8000 avro, xərc və məsrəflərə görə isə 1000 avro təzminat ödəməlidir.
Şikayətlər 2012-ci il 24 və 25 may tarixlərində Yaqublunun polis tərəfindən saxlanılması faktları ilə bağlı idi.
Müsavat Partiyasının üzvü olan Yaqublu mayın 24-də, etiraz aksiyasından bir gün əvvəl Bakının Suraxanı rayonu ərazisində saxlanılıb və 20 manat cərimə olunub.
Növbəti gün, mayın 25-də Yaqublu metronun “Sahil” stansiyasının yaxınlığında oğlu ilə birlikdə yenidən saxlanılıb. Bu dəfə o, bir gün polisdə saxlanılıb və yenidən 20 manat cərimə olunaraq sərbəst buraxılıb.
Yaqublu polisin hərəkətlərindən yerli məhkəmələrə şikayət edib. Amma onun şikayətləri təmin edilməyib. -16D-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz