Bakı/16.06.18/Turan: AXCP-nin iki fəalının taleyinə aydınlıq gətirilib. Onlardan biri iyunun 13-də Gəncədə yoxa çıxıb, digəri isə növbəti gün Bakıda saxlanılıb.
Xatırladaq ki, AXCP Gəncə şöbəsinin rəhbəri Bəxtiyar Əlizadə iyunun 13-də bankomatdan pul götürmək üçün evdən çıxıb. Qohumlarının DİN-in 102 xidməti vasitəsilə onun taleyilə maraqlanmaq cəhdləri nəticəsiz qalıb.
Partiyada güman edirlər ki, bundan öncə həbs olunmuş AXCP fəalı Ruslan Nəsirli B.Əlizadənin evində qaldığından həbs bununla əlaqədar ola bilər. İyunun 15-də B.Əlizadə evə qayıdıb. Ancaq kimsə ilə ünsiyyət qurmaqdan çəkinir və iki sutka harada olması barədə açıqlama vermir.
Digər fəal Füzuli Hüseynov REAL Partiyasının sədri, həbsdə olan İlqar Məmmədovun doğum günü münasibətilə iyunun 14-də Bakıda Nizami küçəsində təkbaşına aksiya keçirdiyinə görə saxlanılıb.
Təxminən bir gün yarım polis onun saxlandığı yer barədə məlumat verməyib. Iyunun 15-də axşam məlum olub ki, o 10 sutka həbs olunub və Biləcəridə inzibati həbs olunanların saxlanılma məntəqəsindədir.
F.Hüseynov bundan öncə də təkbaşına piketlər keçirdiyinə görə inzibati cəriməyə məruz qalıb. 2017-ci ilin oktyabrında müxalifətin mitinqində iştiraka görə 30 sutka həbs olunub.-06D--
Cəmiyyət
-
Prezident İlham Əliyev 2025-ci ili "Konstitusiya və Suverenlik İli" elan etdi. Dövlət başçısının imzaladığı sərəncamda bu, 2025-ci ildə ölkə Konstitusiyasının qəbul edilməsinin 30-cu və Vətən (İkinci Qarabağ) müharibəsində qələbənin beşinci ildönümü ilə əsaslandırılır. Bəzi ekspertlər düşünür ki, bu il Konstitusiyaya növbəti dəyişiklikləri də gözləmək olar.
-
Azərbaycan Hava Yollarına (AZAL) məxsus Embraer 190/195 təyyarəsi Bakı-Kazan marşrutu üzrə uçuş zamanı, yanvarın 1-də Astrakhan üzərində radio maneələr və GPRS pozuntuları ilə üzləşib. Bu barədə Turan aviasiya sahəsindəki mənbəyə istinadən məlumat yayıb. Təyyarənin aviyonikası yalnız Astrakhan hava məkanını tərk etdikdən sonra normal fəaliyyətini bərpa edib.
-
Dövlət qurumlarının müraciətləri əsasında Tarif (Qiymət) Şurası son iclasında bir sıra sahələrdə qiymət artımına qərar verib. Yanvarın 2-də açıqlanan bəyanata əsasən, ilk dəfə olaraq su təchizatı və tullantı sularının axıdılması sistemlərinə qoşulma üçün tariflər təsdiqlənib. İndiyə qədər bu xidmətlər dövlət tənzimlənməsi olmadan, müxtəlif məbləğlərlə həyata keçirilirdi. Təsdiq edilmiş tariflər:
-
Azərbaycan 2025-ci ili qədim ənənələrin və müasir bayramların rəngarəng qarışığı ilə qarşıladı. Bu tədbirlər xalqın zəngin mədəni irsini və gələcəyə yönəlmiş arzularını əks etdirdi. Geniş ailə süfrələrindən parlaq ictimai tədbirlərə qədər qeyd etmələr keçmişlə indinin unikal sintezini nümayiş etdirdi.
Rəy yaz