AXCP fəalına qarşı işgəncələrə etiraz olaraq aksiya
Bakı/24.01.20/Turan: Cümə günü Bakının mərkəzində AXCP-nin bir qrup qadın fəalı AXCP üzvü Elzamin Salayevin həbsxanasında işgəncələrə məruz qalmasına etiraz olaraq aksiya keçirib.
Ondan çox qadın “Demokratiya istəyirik!” plakatları tutaraq yürüş edib.
Aksiya iştirakçıları “Polis işgəncələrinə son !” “Qadın işgəncələrinə son” , “Qadın təcavüzünə son!”, “Elzaminə azadlıq”, “DİN rəhbəri istefa!” şüarlarını səsləndiriblər.
Onlar E.Salayevin həyatına təhlükə olduğunu və təcili əməliyyata ehtiyac olduğunu bildiriblər.
Polis əməkdaşları onların yolunu bir neçə dəfə bağlayaraq razılaşdırılmamış aksiyaya son qoymalarını tələb edib. Buna baxmayaraq, aksiya iştirakçıları Nizami (Torqovaya), Xaqani və Hacıbəyov küçələri ilə “Sahil” metro stansiyasına qədər yürüşü davam etdiriblər.
E.Salayevin oğlu Oqtay Salayev yanvarın 24-də Binəqədi İstintaq Təcridxanasında saxlanılan atası ilə görüşüb. Onun sözlərinə görə, atası yanvarın 13-də Səbayel Rayon Polis İdarəsinin 8-ci bölməsində saxlanıldıqdan sonra işgəncəyə məruz qalması faktını təsdiqləyib. DİN hospitalının həkimləri qarın boşluğunda yırtığın əmələ gəldiyini bildirərək əməliyyat aparılmasının lazım olduğunu deyiblər, lakin polis buna icazə verməyib.
“Bu gün atam yaxşı olduğunu söylədi”, - oğlu əlavə edib.
Ombudsman Aparatının əməkdaşları da E.Salayevə baş çəkiblər. “Tibbi müayinə aparılıb, vəziyyəti normaldır. Onun müraciəti əsasında araşdırma aparılır”, - Ombudsman Aparatından Turan-a bildiriblər.
Xatırladaq ki, E.Salayev yanvarın 13-də Salyan rayonunda polis əməkdaşları haqda tənqidi video yayandan sonra saxlanılıb. O, xırda xuliqanlıq və polisə tabe olmamaqda günahlandırılaraq 30 sutka həbs edilib. —16D-
-
- İqtisadiyyat
- 24 Yanvar 2020 15:47
-
- Cəmiyyət
- 24 Yanvar 2020 16:54
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz