Ruslan Əmirov
Bakı/08.02.21/Turan: Bu gün Bakı Ağır Cinayətlər üzrə Məhkəmədə AXCP üzvü, partiya liderinin cangüdəni Ruslan Əmirovun işi üzrə proses davam edib.
Prosesdə ancaq bir şahid iştirak etdiyindən və digərləri gəlmədiyindən dinləmələr fevralın 10-na keçirilib.
R.Əmirov 2020-ci il iyunun 14-15-də orduya dəstək nümayişi ilə əlaqədar saxlanıılıb. Belə ki, nümayiş iştirakçılarının bir hissəsi parlamentin binasına daxil olmuşdu.
R.Əmirova qarşı CM-in 186 (əmlakın qəsdən korlanması və ya məhv edilməsi), 233 (ictimai qaydanın pozulması), 315 (polisə qarşı zorakılığın tətbiqi) və 127.2-ci (qəsdən sağlamlığa az ağır zərər vurmaq) maddələri ilə ittiham irəli sürülüb.
Onun barəsində polisin nəzarətinə verilməklə həbs qətimkan tədbiri seçilib.
R.Əmirov “Amerikanın səsi” radiosunun Azərbaycan xidmətinə müsahibəsində deyib ki, dinc aksiyada iştirak edib, lakin qanunsuz hərəkətlərə yol verməyib.
“Mənə qarşı cinayət işi siyasi xarakter daşıyır. Mən hər hansı qanunsuz hərəkət törətməmişəm. Azərbaycan ordusuna dəstək məqsədilə aksiyada iştirak etmişəm və bu gün də ordunu dəstəkləyirəm”, - R.Əmirov bildirib.
Bundan öncə AXCP 14-15 iyul aksiyası ilə əlaqədar 45 fəalın saxlandığını bildirib, o cümlədən 15 nəfər inzibati qaydada həbs edilib, 16 nəfərə qarşı ittiham irəli sürülüb, 14 nəfər şahid kimi dindirilib.
Sonradan cinayət ittihamı üzrə həbs edilənlərin barəsində qətimkan tədbiri seçilib və onlar həbsdən azad edilib.- 03B06-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz