Bakı/26.05.18/Turan: Dünən Azərbaycan Xalq Cəbhəsi Partiyasının üç fəalı saxlanılıb.
Polis AXCP Ali Məclisinin Rəyasət Heyətinin üzvü Aqil Məhərrəmovu, partiyanın Gənclər Komitəsinin Məclis sədri Ruslan Nəsirlini və Qarabağ müharibəsi veteranı, keçmiş "vicdan məhbusu" Babək Həsənovu həbsə alıb.
Nəsirlinin və Həsənovun evlərində axtarış aparılıb.
AXCP-də hesab edirlər ki, bu şəxslərin saxlanması müxalifətin Azərbaycan Xalq Cümhuriyyətinin 100 illiyi ilə əlaqədar mayın 28-də Novxanı qəsəbəsində keçirəcəyi mitinqlə bağlıdır.
Öz növbəsində, Demokratik Qüvvələrin Milli Şurasının rəhbəri Cəmil Həsənli AXCP fəallarının həbsini pisləyib. Onun sözlərinə görə, son iki həftədə 10 AXCP fəalı saxta ittihamlarla həbs edilib.
Həsənli bunu hakimiyyətin AXCP-yə qarşı başlatdığı amansız müharibə adlandırıb.
"Qarabağda həyata keçirməli olduqları döyüşü Bakıda AXCP üzvlərinə qarşı həyata keçirirlər", deyə Həsənli Facebook səhifəsində yazır.
Həsənlinin fikrincə, hakimiyyətin idarə olunan müxalifət yaratmaq cəhdi uğursuzluğa düçar olub.
Son 5-6 ayda partiyaya 700-ə yaxın insan daxil olub.
Həsənli hesab edir ki, repressiyalar AXCP-ni siyasi həyatdan sıxışdırıb çıxarmaq və idarə olunan müxalifət üçün yol açmaq məqsədilə həyata keçirilir. AXCP-yə qarşı həyata keçirilən repressiya tədbirlərini Fuad Ələsgərov (prezidentin hüquq-mühafizə orqanları ilə iş üzrə köməkçisi) əlaqələndirir.
Həsənlinin sözlərinə görə, bu plan payızda işə salınmalı idi, amma hansısa səbəblərdən erkən başladı. Amma bu plan uğursuzluğa məhkumdur və AXCP-ni yalnız gücləndirəcək. -06D-
Cəmiyyət
-
Sentyabrın 15-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin səhər bəzi şəhərətrafı ərazilərdə qısamüddətli yağış yağacağı ehtimalı var. Mülayim şimal-şərq küləyi əsəcək. Havanın temperaturu gecə müsbət 19+22, gündüz müsbət 26+29 dərəcə olacaq, Milli Hidrometeorologiya Xidməti bildirib.
-
2024-cü ilin ilk yeddi ayında Azərbaycan narkotik maddə asılılığına, narkotik və psixotrop maddələrin qanunsuz dövriyyəsinə qarşı mübarizəni gücləndirdi və Dövlət Narkomaniya və Narkotik Vasitələrin Qanunsuz Dövriyyəsinə Qarşı Mübarizə Komissiyasının daimi işçi qrupu tərəfindən bu sahədə əhəmiyyətli nəticələr əldə olunduğu bildirildi. Komissiya tərəfindən aparılan geniş təhlillər ölkənin narkotik maddələrə qarşı mübarizəsində həm uğurlar, həm də davam edən problemləri üzə çıxardı.
-
Tanınmış ictimai xadim, Müharibə, Əmək və Silahlı Qüvvələr Veteranları Təşkilatının sədri Fatma Hüseyn qızı Səttarova 102 yaşında vəfat edib.
-
2024-cü ilin ilk yeddi ayında Azərbaycanda cinayətkarlığın kəskin azalması qeydə alınıb və bu, ölkənin ictimai təhlükəsizliyi artırmaq və hüquq-mühafizə orqanlarının səmərəliliyini yüksəltmək istiqamətindəki səylərinin əhəmiyyətli bir nailiyyəti hesab olunur. Daxili İşlər Nazirliyinin məlumatına görə, 2024-cü ilin yanvar-iyul aylarında 18,518 cinayət qeydə alınıb ki, bu da 2023-cü ilin eyni dövrü ilə müqayisədə 21,7% azdır.
Rəy yaz