Bakı/15.06.18/Turan: Azərbaycan Xalq Cəbhəsi Partiyası 3 fəalının saxlanılması ilə bağlı məlumat yayıb.
Məlumatda deyilir ki, AXCP Gəncə şəhər şöbəsinin sədri Baxtiyar Əlizadə iyunun 13-də saat 19 radələrində evdən bankomatdan pul götürmək məqsədi ilə çıxıb və ondan indiyədək xəbər yoxdur.
"Bəxtiyar Əlizadənin ailə üzvləri artıq iki gündür onun axtarışını davam etdirir. Ailə üzvləri Gəncə şəhər Polis İdarəsinə, Daxili İşlər Nazirliyinin "102 Zəng Mərkəzinə" məlumat verib, xəstəxanaları axtarıb. Lakin hələ də fəalın harada olması barədə məlumat almaq mümkün olmayıb", AXCP bildirir.
AXCP Şəki şöbəsinin fəalı Rauf Abdurəhmanlı bu gün, iyunun 14-də Bakıda saxlanılıb. Axşam saat 21-də Şəki rayon Məhkəməsi (Bakıdan 350 kilometr şimal-qərb) Abdurəhmanlını küçədə ünvansız söyüş söymək ittihamı ilə 30 sutka inzibati həbsə məhkum edib.
AXCP-nin digər fəalı Füzuli Hüseynov təkbaşına aksiya keçirən şəxs kimi tanınıb. O bu gün, iyunun 14-də saat 12-də həbsdə olan REAL Partiyasının sədri İlqar Məmmədovun ad günü ilə əlaqədar Bakıda, Nizami küçəsində "İlqar Məmmədova azadlıq!" şüarı olan plakat qaldırarkən saxlanılıb. İndiki anadək harada saxlanılması barədə məlumat almaq mümkün olmayıb.
Rəsmi orqanlar AXCP fəallarının saxlanılması ilə bağlı hələ hər hansı məlumat yaymayıb.-0-
Cəmiyyət
-
Avropa Parlamentində Yaşıllar Qrupu/ Qrupunun Avropa Azad Alyansı Qubad İbadoğlunu 2024-cü il Saxarov mükafatına namizəd göstərib. Bu barədə Yaşıllar Qrupunun Avropa Azad Alyansı ilə birlikdə açıqlamasında qeyd olunur. Bu nominasiya Azərbaycanda, xüsusilə mədən hasilatı sektorunda fikir ayrılıqlarının yatırılması ilə bağlı artan beynəlxalq narahatlığı önə çəkir.
-
Sentyabrın 19-da paytaxtda hava tutqun olacaq, axşama doğru yağış yağa bilər. Şimal-şərq küləyi əsəcək.
-
Nazirlər Kabineti noyabr ayında iş və istirahət günlərinin dəyişdirilməsi barədə qərar qəbul edib. 12 noyabr (çərşənbə axşamı) və 13 noyabr (çərşənbə) istirahət günləri, 16 və 23 noyabr isə iş günləri olacaq.
-
Sentyabr 16-da Mərkəzi Seçki Komissiyası (MSK) növbədənkənar parlament seçkilərinin protokollarını Konstitusiya Məhkəməsinə təqdim etdi. Seçkinin gedişi ilə bağlı bir çox şikayətlər olsa da, MSK heç bir dairədə nəticələrə təsir etməməklə, ümumilkdə 40-dan çox məntəqədə nəticələri ləğv elədi. Bu qurum seçkilərin yüksək səviyyədə keçirildiyini açıqladı. Amma bir sıra müxalifət qüvvələri də bildirdilər ki, seçkilər əvvəlcədən hazırlanan siyahılar əsasında gerçəkləşib.
Rəy yaz