Açiq mənbələrdən foto.
Bakı/05.10.21/Turan: Xalq Cəbhəsi Partiyasının fəalı Ceyhun Rzayev inzibati qaydada həbs edilib. Bu barədə AXCP-dən bildiriblər.
Həbsin səbəbi onun Mingəçevir şəhərində blogerlər Elçin Həsənzadə və Ceyhun Rzayevin həbsdən azad edilməsi tələbi ilə təkbaşına piket keçirməsidir.
Oktyabrın 4-də axşam o, Mingəçevir İcra Hakimiyyəti başçısının avtomobilinin ön şüşəsinə həbs edilən şəxslərin fotoşəklini qoyub, bundan sonra polis tərəfindən saxlanılıb, şəhər məhkəməsi isə onu həbs edib.
Amma Mingəçevir İcra Hakimiyyətindən Turan-a bildiriblər ki, belə bir fakt olmayıb.
DİN-in mətbuat xidmətinin Şəki regional qrupunun baş inspektoru Mahir Məsimov Turan-a bildirib ki, “vətəndaş Ceyhun Rzayev Mingəçevir şəhəri ərazisində ictimai qaydanın pozulmasına yönələn hərəkətlərə yol verdiyi üçün o, polis əməkdaşları tərəfindən intizama dəvət edilib. "Lakin həmin şəxs polisin qanuni tələbinə məhəl qoymayıb və hərəkətlərini davam etdirib. Bu səbəbdən onun barəsində İnzibati Xətalar Məcəlləsinin 510 ( Xırda xuliqanlıq) və 535-ci ( Polis işçisinin və ya hərbi qulluqçunun qanuni tələbinə qəsdən tabe olmama) maddələri ilə protokol tərtib olunub, baxılması üçün şəhər məhkəməsinə göndərilib. Məhkəmənin də qərarı ilə C.Rzayev 15 gün müddətinə inzibati qaydada həbs olunub".
Qurumdan qeyd olunub ki, onun inzibati həbs olunmasında siyasi motiv yoxdur. 21B-
Cəmiyyət
-
Azərbaycan hakimiyyətinin təmsilçiləri tez-tez xalqın onlara yüksək dəstəyindən bəhs edirlər. Onların opponentləri isə hesab edirlər ki, ölkədə azad və ədalətli seçkilər olmadığından xalqın gerçəkdə kimi müdafiə etdiyi mübahisəli məsələdir.
-
Yanvarın 24-də Bakıda hava tutqun, yağıntısız olacaq. Cənub-qərb küləyi gündüz şimal-qərb küləyi ilə əvəz olunacaq. Gecə 5-8 dərəcə, gündüz 8-11 dərəcə isti olacaq. Nisbi rütubət 70-80% təşkil edəcək.
-
Yanvarın 20-də "Lənkəran" sərhəd dəstəsinin xidməti ərazisində ümumi çəkisi 80 kiloqram 685 qram narkotik vasitə (77 kq 645 qram marixuana, 3 kq 35 qram heroin, 5 qram tiryək),1000 ədəd narkotik tərkibli metadon M-40 və 245 ədəd müxtəlif tərkibli dərman həbinin qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Artıq bütün Azercell müştəriləri süni zəka texnologiyasına əsaslanan “AI Chat Bot” xidmətindən yararlana bilərlər Azercell-in süni zəka texnologiyası əsasında işləyən innovativ “AI Chat Bot” xidməti artıq iOS istifadəçiləri üçün də əlçatandır. Abunəçilərə ən üstün müştəri təcrübəsini təqdim etməyə yönəlmiş yeni həll müştəri sorğularını 24/7 rejimində operativ şəkildə cavablandırır.
Rəy yaz