Mərbuat Mərkəzində çərşənbə günü keçirilən mətbuat konfransında jurnalistlərin təqibi və onların ittihamı edilməsi, o cümlədən Azadxaber.org-un redaktoru Nicat Əliyevin işindən danışılıb.
Saytın redaktor əvəzi Pərvin Zeynalov məlumat verib ki, Nicat Əliyev 20 mayda «Avroviziya» müsabiqəsi öncəsi saxlanılıb. O, Bakıda 3-cü mikrorayonda disk yayırmış. Onunla birgə bir neçə nəfər saxlanılsa da, sonradan buraxılıblar. Amma Nicata narkotik saxlamaq ittihamı ilə 2 ay həbs kəsilib.
Zeynalov bunların nə disk olduğunu dəqiqləşdirməyib, amma vəkil Anar Qasımlı bildirib ki, onlarda «Avroviziya» müsabiqəsi, sökülən evlər, Qarabağ problemi barədə məlumatlar olub.
Vəkil bildirib ki, müştərisini CM-in 234-ci maddəsi ilə ittiham edirlər və onu 3 ilədək həbs gözləyir.
«Müdafiə etdiyim şəxsə fiziki və psixoloji təzyiq olub, onu döyüblər, homoseksualistlərin yanına göndərməklə hədələyiblər. Nəticədə Əliyev etirafedici ifadə verib.
Sonradan o, bu ifadələrdən imtina edib. Bildirib ki, ifadəni təzyiq altında verib. O, yeni ifadələr vermək üçün ərizə versə də, istintaq 20 gündür reaksiya vermir», - deyə vəkil bildirib.
İstintaq Əliyevin mənzilində axtarış aparan zaman onun şəxsi kompüterini götürüb, avtomobilini müsadirə edib.
«Sonuncu dəfə onunla 23 iyunda Kürdəxanı təcridxanasında görüşdüm», - deyə vəkil bildirib.
Pərvin Zeynalov deyib ki, Nicat Əliyevin həbsi onun peşə fəaliyyəti, saytda yerləşdirilən materiallarla bağlıdır.
“Redaksiyamız Nicat Əliyevin təcili olaraq azad edilməsini tətləb edir», - deyə o bildirib. -04С-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz