Azərbaycan 2012-ci il Olimpiadasının ağır atletika üzrə bürünc medalından məhrum edilib
Bakı/29.03.19/Turan: Azərbaycanın tərəfində çıxış edən bolqarıstanlı ağır atlet Valentin Xristov 2012-ci il London Olimpiya Oyunlarının bürünc medalından məhrum edilib. Bu barədə Beynəlxalq Olimpiya Komitəsi (BOK) məlumat verib.
Press-relizdə qeyd olunur ki, V.Xristovun antidopinq qaydalarını pozduğu məlum olub. Ancaq o, İdman Arbitraj Məhkəməsinə və ya BOK-un İntizam Komissiyasına şikayət etmək hüququnu özündə saxlayır.
Olimpiada-2012-nin bürünc medalı vyetnamlı ağır atlet Tran Le Louk Toana keçəcək.
Xatırladaq ki, Azərbaycan prezidentinin sərəncamı ilə V.Xristov 100 min manat, onun məşqçisi isə 50 min manat məbləğində pul mükafatı ilə təltif edilmişdi.
Həmçinin əlavə olaraq MOK ona 50 min manat, məşqçiyə isə 25 min manat mükafat vermişdi. Beləliklə, V.Xristov və onun məşqçisinə 225 min manat ayrılmışdı ki, bu da o zamankı məzənnə ilə 285 min dollar edir.
Qeyd edək ki, o zamanlar AZAL-ın prezidenti Cahangir Əsgərov başda olmaqla Azərbaycan Ağır Atletika Federasiyası bolqar legionerlərə stavka edirdi. Federasiya perspektivli yerli ştanqçı Nicat Rəhimovu əlindən çıxardı. Qazaxıstan uğrunda çıxış edən N.Rəhimov 2016-cı ildə Rio oyunlarında çempion olub.-06D-
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz