Açiq mənbələrdən foto.
Bakı/14.06.22/Turan: Azərbaycanın quru sərhədləri koronavirus pandemiyası başlayandan bağlanıb. Hazırda dünyanın bir çox ölkəsi quru sərhədlərini insanların keçidi üçün açsa da, Azərbaycanın sərhədləri hələ də bağlıdır.
Quru sərhədlərini insanlar yalnız hökumətin xüsusi icazəsi ilə keçə bilir. Son illərdə yüzlərlə Azərbaycan vətəndaşı Rusiya ilə quru sərhədini keçə bilmədiyindən bu ölkədəki düşərgələrdə aylarla gözləməli olub.
Təyyarə biletləri isə çox baha olduğundan bir çox insan üçün əlçatan deyil.
Azərbaycanda koronavirus infeksiyasına ilk yoluxma 2020-ci il fevralın 28-də aşkarlanıb. Nazirlər Kabineti yanında Operativ Qərargahın məlumatına görə, 2020-ci ilin martından ölkənin quru sərhədləri bağlıdır.
Ekspertlərin firkincə, bu münasibət insanların hərəkət azadlığına ziddir və ölkədə koronavirusa yoluxma halları 10-20 nəfər arasındadırsa, sərhədlərdə xüsusi karantin rejimi tətbiq edilə bilməz.
Demokratik Qüvvələrin Milli Şurasının sədri Cəmil Həsənli sual edir ki, "axı necə olur Formula 1 yarışlarına xarici vətəndaşlar quru yolu ilə Azərbaycana gəlib-qayıda bilir, ölkə vətəndaşlarının üzünə bu yollar artıq illərdir bağlıdır. Pandemiya arxada qalıb. Bütün ölkələr sərhədlərini açıb, turizmdə marağı olan ölkələr koronavirusla bağlı bütün test kağız-kuğuzundan imtina edib. Əliyev rejimi isə ölkəni qapalı zonaya çevirib".
Onun sözlərinə görə, Türkiyədə 20 mindən artıq azərbaycanlı tələbə oxuyur, Rusiyada 2 milyondan artıq azərbaycanlı yaşayır, İrana gediş-gəliş dayanıb, Gürcüstanda soydaşlar yaşayır.
Quru sərhədlərinin bağlı olması aviabiletlərin üç dəfə bahalaşmasına səbəb olub.
"Bu, milyonlarla insanın hərəkət azadlığını qadağan etməkdir, bəli məhdudlaşdırmaq yox, qadağan etməkdir", deyə o qeyd edir.
"REAL" partiyasının siyasət komitəsinin üzvü, iqtisadçı Natiq Cəfərli Azərbaycana bütün qonşu ölkələrin quru sərhədlərini açdığına diqqət çəkib. Buna görə, sərhədlərin bağlı saxlanması məntiqsizdir. Onun sözlərinə görə, quru sərhədlərinin bağlı olması hava yolu daşıyıcılarının işinə yarayır, onlar qiymətləri kəskin şəkildə artırıblar.
"Turizm potensialını inkişaf etdirmək istəyən ölkə quru sərhədlərini bağlı saxlaya bilməz", deyə o qeyd edib.
Nazirlər Kabinetindən Turan Agentliyinin sorğusuna cavab verilməyib. -03-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz