Görünür, Azərbaycan Milli Olimpiya Komitəsi Rio olimpiadasında komandamızın qazandığı medallara çox da sevinmir. Azərbaycan MOK-un saytına daxil olduqda belə təəssürat yaranır. Belə ki, avqustun 12-nə Olimpiadada nailiyyətləri göstərən cədvəldə qazanılmış medallar 0 olaraq göstərilib!
Baxmayaraq ki, birinci medal hələ avqustun 8-də, ikincisi isə dünən axşam saatlarında qazanılıb. Elə həmin saytda birinci medalın sahibi - cüdoçu Rüstəm Orucov haqqında məlumat yerləşdirlib.
MOK rəhbərliyinin və sayta məlumat yerləşdirilməsinə görə məsul olan şəxslərin nə ilə məşğul olduğunu düşünmək qalır.
Və bir də sual yaranır: Dövlət elementar faktları normal işıqlandırmaq iqtidarında olmayan belə bir MOK-u VƏ belə bir İdman Nazirliyini saxlamaq üçün niyə böyük vəsait ayırır?
Göründüyü kimi, bu, İdman Nazirliyini də maraqlandırmır, nazirlik də MOK-un saytına nəzarət etmir. Görünür cənab Azad Rəhimov başqa, daha mühüm işlərlə məşğuldur.
Belə ki, telefon sorğumuza cavabda MOK ofisində dəstəyi götürən gənc (növbətçi və ya mühafizəçi) deyib ki, ofisdə mühasibdən başqa heç kim yoxdur. Hamı Olimpiadaya gedib, buna görə "niyə qazanılmış medallar haqqında məlumat yoxdur?" sualımızı yönləndirəcək heç kim yoxdur.
Cənab Azad Rəhimova və Çingiz Hüseynzadəyə Kapakabana sahillərində xoş istirahət arzu edək. Ümid edək ki, qayıtdıqdan sonra dövlət başçısı onlardan cavab istəyəcək. -02В-
Cəmiyyət
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
Rəy yaz