Açiq mənbələrdən foto.
Bakı/14.06.21/Turan: İyunun 14-də Azərbaycanın ümumi təhsil müəssisələrində “Son zəng” tədbirləri keçirilib. COVİD-19 pandemiyası ilə əlaqədar ölkədə sərt karantin rejimi müəyyən edilib və bu səbəbdən 2020-ci ildə “Son zəng” tədbirləri keçirlməyib. Sərt karantin dövründə təhsil müəsissələri distant tədrisə keçib.
Bu il Azərbaycan Nazirlər Kabineti karantin qayrdalarını yumşaldıb və məktəblərdə müəyyən sayda şagird və müəllimlərin iştirakı ilə tədbirlər keçirilir.
Təhsil naziri Emin Əmrullayev deyib ki, pandemiyanın təhsilə təsirinin aradan qaldırılması üçün çox vaxt lazım olacaq. Nazirin sözlərinə görə, bu il 84 069 nəfər 11-ci sinfi bitirəcək. İcbari təhsili, yəni 9-cu sinfi 131 227 nəfər bitirir.
Nazir münaqişə dövründə təmas xəttində yerləşən və daim atəş altında olan Goranboy rayonu (Bakıdan 330 kilometr qərb) Tapqaraqoyunlu kənd tam orta məktəbində “Son zəng” tədbirində iştirak edib. O, məzunları XI sinfi uğurla başa vurmaları münasibətilə təbrik edib, onlara yeni-yeni nailiyyətlər arzulayıb.
Emin Əmrullayev Azərbaycan ordusunun ölkənin suverenliyində olan əraziləri azad etməsinə istinad edərək 2020-ci ilin Azərbaycanın tarixinə qızıl hərflərlə yazılan dövr olduğunu xatırladıb.
Nazir bildirib ki, artıq bu tədris ilinin “Son zəng”ini 2021-ci ilin məzunları Qələbə sevinci ilə yola salır. -03D-
Cəmiyyət
-
Yanvarın 30-da Bakıda aydınlaşdırma ilə buludlu olacaq, gün ərzində Abşeron yarımadasında az yağıntı ola bilər. Külək cənub-şərq olacaq. Gecə havanın temperaturu +4 - dən +7c-ə, gündüz isə +8-dən +12C-ə qədər olacaq.havanın rütubəti 70-80% olacaq.
-
Azərbaycan hakimiyyəti keçmiş Rusiya hakimi Yelena Xaxalevanı Bakı Beynəlxalq Hava Limanında saxlayıb. Bu barədə məlumat Rusiyanın Baş Prokurorluğuna və Daxili İşlər Nazirliyinə təsdiqlənib. Saxlanılma xəbəri ilk olaraq Kommersant və İzvestiya tərəfindən mənbələrə istinadən yayımlanıb və daha sonra RIA Novosti və TASS vasitəsilə hüquq-mühafizə orqanlarından təsdiq alıb.
-
Yanvarın 29-da Bakıda və Abşeron yarımadasında hava dəyişkən buludlu olacaq, əsasən yağıntısız olacaq. Mülayim cənub-şərq küləyi əsəcək. Havanın temperaturu gecə müsbət 3+6, gündüz müsbət 8+13 dərəcə olacaq. Rütubət 70-80 faiz olacaq.
-
Gənclər ətraf mühitin mühafizəsinə yönəlmiş texnoloji həllərini təqdim ediblər Yanvarın 18-də Oxbridge Academy-də Azercell və “Eventify” şirkətinin birgə təşkilatçılığı ilə “Dayanıqlı İnkişaf” hakatonu baş tutub. Layihə gənclərə potensiallarını reallaşdırmağa imkan yaratmaq, eləcə də ətraf mühitin qorunmasına yönəlmiş texnoloji həlləri ərsəyə gətirmək məqsədini daşıyıb. Tədbir həmçinin startap ekosisteminin inkişafına töhfə verərək iştirakçılara öz innovativ ideyalarını həyata keçirmək üçün effektiv platforma rolunu oynayıb.
Rəy yaz