Açiq mənbələrdən foto.
Bakı/11.05.21/Turan: Mayın 10-da Qafqaz Müsəlmanları İdarəsində (QMİ) Azərbaycanda fəaliyyətdə olan dini konfessiya rəhbərlərinin Məşvərət Şurasının təsis yığıncağı keçirilib. Bu barədə QMİ-nin yaydığı məlumatda deyilir.
Yığıncağın gündəliyinə Məşvərət Şurasının təsis edilməsi, üzvlərinin təsdiqi və Sədrin seçilməsi, Şurasının Əsasnaməsinin təsdiq edilməsi məsələləri daxil idi.
Məlumatda deyilir ki, Azərbaycanda fəaliyyət göstərən dini konfessiyaların rəhbərlərinin Məşvərət Şurası adlı qurumun təsis edilməsi yerinə düşərdi.
Yığıncaq Məşvərət Şurasının yaradılmasını yekdil olaraq qeydə aldı və Azərbaycanda fəaliyyət göstərən dini konfesiyaların rəhbərləri Məşvərət Şurasının üzvləri kimi təsdiq ediliblər.
Müəyyən edilib ki, Məşvərət Şurasının tərkibi açıqdır və Əsasnaməsini qəbul edən Azərbaycanda fəaliyyət göstərən digər konfessiyaların da müəyyən edilmiş qaydada həmin Məşvərət Şurasına daxil olmaq üçün müraciətlərinə baxıla bilər.
Məşvərət Şurasının sədri vəzifəsinə Qafqaz Müsəlmanları İdarəsinin Sədri, Şeyxülslam Allahşükür Paşazadə seçilib, təkliflər nəzərə alınmaqla qurumun Əsasnaməsi təsdiq edilmişdir.
Bakı və Azərbaycan Rus Pravoslav Kilsəsinin arxiyepiskopu Aleksandr, Azərbaycan Dağ Yəhudiləri İcmasının rəhbəri Melix Yevdayev, Bakı Avropa Yəhudiləri İcmasının rəhbəri Aleksandr Şarovski, Azərbaycandakı Roma-Katolik Kilsəsinin apostol prefekturasının yepiskopu Vladimir Fekete, Alban-Udi Xristian dini icmasının sədri Robert Mobili, QMİ sədrinin birinci müavini, müftiy Salman Məşvərət Şurasının üzvləri təsdiq edilmişdir. -05D-
Cəmiyyət
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
Rəy yaz