Баку/09.08.20/Turan: Azərbaycanda daha 87 nəfərin Covid-19 infeksiyasına yoluxması aşkarlanıb, Nazirlər Kabineti yanında Operativ Qərargah bazar günü bildirib.
Qurumun məlumatına görə, 360 nəfər sağalıb, 2 nəfər vəfat edib.
Bununla da, indiyədək bu virusa yoluxanların ümumi sayı 33568 nəfərə çatıb, onlardan 30364 nəfər sağalıb, 490 nəfər ölüb.
Hazırda aktiv xəstə sayı 2714 nəfərdir.
İndiyədək Azərbaycanda 785126 test keçirilib. Bugünkü test sayı isə 5618-dir.
Son üç ayda ilk dəfə yeni yoluxanların gündəlik artımı 100-dən az olub.
Sonuncu dəfə bu göstərici mayın 13-də, COVİD-19 ilə 65 yoluxma faktının aşkarlandığı zaman qeyd edilmişdir. - 06D-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz