Bakı/07.07.21/Turan: İyulun 7-nə olan məlumata görə, sutka ərzində Azərbaycanda koronavirus infeksiyasına yoluxma ilə bağlı 127 yeni hal aşkarlanıb, 54 xəstə sağalıb, bir nəfər vəfat edib. Bu barədə Nazirlər Kabineti yanında Operativ Qərargahın məlumatında deyilir.
Ümumilikdə, Azərbaycanda 336 684 koronavirusa yoluxma halı aşkar edilib, o cümlədən 330 567 nəfər müalicə olunub, 4979 nəfər ölüb, 1138 aktiv xəstənin müalicəsi davam edir.
Son sutkada 10 025 test aparılıb.
Həmçinin iyulun 7-nə olan məlumata görə, sutka ərsində Azərbaycanda 55 169 nəfər peyvənd edilib, o cümlədən 24 211 nəfər ilk dozanı, 30 958 nəfər ikinci dozanı alıb.
Azərbaycanda istifadə olunmuş dozaların ümumi sayı 3 910 624-dür. İlk dozanı alanların sayı 2 396 007, hər iksini 1 514 617-dir.—06D-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz