Bakı/14.09.19/Turan: Azərbaycanlı siyasi mühacirlərin "Demokrarik Azərbaycanı seç" (DAS) təşkilatının fəalları sentyabrın 13-də Almaniyanın Gissen şəhərində iki populyar KİV-in - Giessener Allgemeine Zeitung və Gießener Anzeiger-in qarşısında Azərbaycanda siyasi məhbusları dəstəkləyən aksiya keçiriblər. Bu barədə aksiyanın təşkilatçılarından biri Lamiyə Əhmədova məlumat verib.
Onunla yanaşı aksiyada Ayğun Məhərrəmova, Zöhrə Həsən, Murad Əhmədov, Ramil İşgəndərli, Emin Manafov, Məmməd Qarayev, Qaçay Piriyev, Nadir Rzayev, Ramiz Quliyev, Ramin Əhmədov, Emil Quliyev, Əbdülhüseyn Ələkbərov, İntiqam Xudiyev, Elmir Şirəliyev, Elşən Hüseynov və digərləri çixiş ediblər.
Onlar Azərbaycanda vətəndaşların siyasi motivlərlə həbs edilməsini pisləyiblər və Almaniya KİV-ni buna laqeyd qalmamağa, Avropanın diqqətini bu ölkə ictimaiyyətinin probleminə yönəltməyə çağırıblar.
Qeyd olunub ki, siyasi məhbusların sayına görə (119) Azərbaycan dünyada liderlərdən biridir.
Bundan əlavə, Azərbaycan dünya Media Azadlığı İndeksində 180 ölkə arasında 166-cı yeri tutur. Transparency təşkilatının Korrupsiya Qavrama İndeksinə görə isə yenə 180 ölkə arasında 152-ci yerdədir.
DAS "Almaniyalı jurnalistlərdən siyasi məhbuslara dəstək" kampaniyasına başlayıb. Kampaniya çərçivəsində AFR-in müxtəlif şəhərlərində aksiyalar keçiriləcək. Məqsəd KİV-in diqqətini Azərbaycanda insan hüquqlarının, o cümlədən həbsdə olan jurnalistlərin hüquqlarının pozulmasına yönəltməkdir. -06D-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz