Budəfəki spikerlər “Qırılma” (Disruption) mövzusu ətrafında birləşərək cəmiyyət və fərdləri dəyişməyə sövq edən təsirlər haqqında fikirlərini bölüşdülər
Lider mobil operator TEDxBakı “Qırılma” tədbirinə dəstək oldu. Bu ilki TEDx Bakı konfransına 150-dən artıq iştirakçı qatıldı. Tədbirdə yerli və xarici olmaqla 14 spiker çıxış etdi. Spikerlər arasında Lahıcda doğulub-böyümüş, hazırda isə Andorrada yaşayan, mədəni və sosial layihələr həyata keçirən Billurə Bayramova Bernard, sambo və cüdo üzrə dünya və Avropa çempionu Natiq Bağırov, türkiyəli siyasətçi, prezident seçkilərində namizəd olmuş Sinan Oğan, həmçinin Amerika-Azərbaycan Cəmiyyətinin sədri Tomris Azəri kimi simalar yer aldı.
Azərbaycanda ilk TED lisenziyalı tədbir olan TEDxBakı 2010-cu ildən etibarən mütəmadi olaraq keçirilir. Digər TEDx formatlı tədbirlərdən fərqli olaraq, rəsmi lizensiyalı TED konfranslarında həyat və karyeralarında uğurlu nəticələr əldə etmiş qlobal spikerlər çıxış edir.
Müxtəlif sahələrdən olan ekspertləri bir arada birləşdirən TED (Texnologiya, Əyləncə, Dizayn) konfransları 1984-cü ildən keçirilir. Dövrünün ən aparıcı elmi və texniki naliyyətləri məhz TED konfranslarında müzakirə olunub. İlk TED konfransında yenicə buraxılmış "Macintosh" kompüteri, "Sony" istehsalı olan kompakt-disk təqdim olunub, süni intellekt kimi hazırda geniş tətbiq olunan fikirlər üzrə çıxışlar olub. Bu günə qədər TED səhnəsində ABŞ-ın keçmiş prezidenti Bill Klinton, Nobel mükafatıçısı Ceyms Vatson, “Microsoft”dan Bill Geyts, “Google”’dan Erik Şmidt, rejissor Ceyms Kameron, alim Stiven Havkinq kimi spikerlər çıxış edib.
Azercell bundan sonra da ölkəmizdə gənclərin inkişafına yönəlmiş sosial layihələri dəstəkləməkdə davam edəcək. ®
Cəmiyyət
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
Rəy yaz