![Vidadi Muradov](https://turan.az/resized/media/2021/main/092100038589-750-500-resize.webp)
Vidadi Muradov
"Azərxalça"nın sədri barəsində cinayət işi məhkəməyə göndərilib
Bakı/21.09.2021/Turan: “Azərxalça” ASC-nin İdarə heyətinin sabiq sədri Vidadi Muradovun cinayət işinin istintaqı yekunlaşdırılıb və iş materialları məhkəməyə göndərilib. Baş Prokurorluqdan verilən xəbərə görə, Muradovun faktiki rəhbərliyi həyata keçirdiyi “Azər-İlmə” MMC-nin Bakı şəhəri ərazisində yerləşən inzibati binasını “Azərxalça” ASC-yə mövcud bazar qiymətlərindən yüksək qiymətə icarəyə verməsi, “Azərxalça”ya məxsus pul vəsaitinin mənimsəməsi, təmir işi həcmlərini və qiymətləri şişirməsi və digər üsullarla 21 milyon 673 min manatı mənimsəməsi aşkar edilib. Həmcinin, 640 min manat məbləğində vergini dövlət büdcəsinə ödəməyib.
Muradova qarşı Azərbaycan Respublikası Cinayət Məcəlləsinin 179.4 (böyük ölçüdə mənimsəmə), 213.3 (böyük ölçüdə vergi ödənişindən yayınma), 308.2 (vəzifə səlahiyyətlərindən sui-istifadə, ağır nəticələrə səbəb olduqda) və 313-cü (vəzifə saxtakarlığı) maddələri ilə ittiham irəli sürülüb. Məhkəmənin qərarı ilə Vidadi Muradov barəsində həbs qətimkan tədbiri seçilib və cinayət işi baxılması üçün Bakı Ağır Cinayətlər Məhkəməsinə göndərilib.
Vidadi Muradov və onun ailə üzvlərinin adlarına olan ümumi dəyəri 30 milyon 587 min manat təşkil edən yaşayış və qeyri-yaşayış sahələri, habelə “Azər-İlmə” MMC-nin səhm paylarının və aktivlərinin üzərinə məhkəmə qərarı ilə həbs qoyulub.
Onunla birgə əməlləri olan digər şəxslər barəsində cinayət işi ayrıca icraata ayrılaraq istintaq davam etdirilir. -06D-
-
- Maliyyə
- 21 Sentyabr 2021 11:39
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz